› 選擇地區
三藩市
紐約
洛杉磯
其他美國地區
香港 台灣 北美
 
2004年06月01日

「男女朋友冇所謂啦」
蔣怡學Send情慾短訊

蔣怡一身cyber打扮,為電訊活動行騷。

蔣怡和陳嘉容昨日在尖沙嘴出席電訊活動,她們均異口同聲表示愛用SMS短訊跟男友聯繫感情,其中蔣怡更揚言要向碧咸偷師,學寫情慾短訊嚇嚇男友翁狄森。

一眾模特兒蔣怡、陳嘉容、李嘉慧、楊崢、陳沛嘉和Jessie等,昨日搖身變成白色cybergirls,出席和記在尖沙嘴舉行的「3」電訊發布會,各名模均獲贈一部3G手機。

月傾九百分鐘電話
蔣怡表示會將手機轉送朋友,她說:「平時做嘢,成日收到大會送電話,用唔到咁多,因為我用開嘅電話係男朋友送嘅,所以唔會換喇。」她透露每月會傾約八、九百分鐘電話,而SMS短訊用量亦不少,她說:「因為男友好忙,唔想影響佢嘅工作,SMS可以得閒先睇,我都會send啲肉麻嘢,好似『掛住你』、『收工煮飯畀你食』嗰啲囉!」
談到碧咸(DavidBeckham)早前與情人盧絲(RebeccaLoos)之間互傳情慾短訊,哄動全球,問蔣怡可試過send類似短訊給男友翁狄森?她說:「我冇詳細睇過碧咸呢啲報道,不過我諗都可以學吓,參考吓佢嘅內容。」
記者指碧咸的短訊內容相當大膽和露骨,蔣怡聞言即哈哈大笑,並說:「咁男女朋友之間冇所謂啦,又唔會四圍攞畀人睇。不過,Dickson(翁狄森洋名)收到一定嚇親,以為係朋友整蠱佢!」

陳嘉容扁嘴斥男友
另外,陳嘉容亦表示愛傳SMS給男友,不過並無激情和肉麻成份,她扁扁嘴說:「多數都係我send畀佢,佢從來都唔覆,重話我啲短訊冇創意。」
採訪、攝影:RitaLeung

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載