› 選擇地區
三藩市
紐約
洛杉磯
其他美國地區
香港 台灣 北美
 
2004年06月01日

八月騷日賣三萬票
阿Sam度橋慰勞Fans

侯莎莎和阿Sam昨日為新片試造型。

許冠傑(Sam)的復出個唱本周六開鑼,並於八月四日至十三日再加開十場,阿Sam演唱會主辦人丘亞葵表示,昨日信用卡優先訂飛十場合共賣出三萬張門票,成績驕人。丘亞葵預計本月十二日在紅館公開發售門票時,阿Sam會度橋報答歌迷支持。

許冠傑本周六在紅館舉行復出個唱,並於八月四日至十三日加開十場,原本阿Sam打算十月再下一城開十場演唱會,但因為要拍戲而被迫取消。

再次探望買飛歌迷
阿Sam八月的個唱昨日開始進行信用卡優先訂票,反應熱烈,演唱會主辦人丘亞葵表示,昨日只拿出每場三千張門票供信用卡用戶訂購,結果一日內賣出三萬張門票,成績驕人,不過大會希望預留多些門票供歌迷於本月中公開發售時搶購。
丘亞葵昨日在電話中說:「阿Sam八月演唱會今日開始信用卡優先訂飛,攞咗三萬張飛出嚟賣,一日賣晒,破咗單日紀錄,電訊網絡商重話啲線路都爆晒。」問丘亞葵演唱會門票何時公開發售,他說:「我哋去紅館入咗紙想六月十二日開始賣飛,咁啱嗰日係周六,更加方便歌迷。」問到阿Sam會否如上次一樣到紅館向歌迷獻唱,丘亞葵說:「阿Sam𠵱家度緊橋,佢唔排除有好多新意思畀歌迷,如果到時開心,阿Sam重話唔介意去勻港九賣票地方探歌迷㖭。」

侯莎莎試新片造型
而港台DJ周國豐昨日在節目《娛樂滿天星》中透露,阿Sam會在年底舉行慈善演唱會,周國豐說:「大概會喺聖誕節檔期,但到時唔係紅館,重可以坐幾萬人㖭,不過就重未公布得住。」
對此丘亞葵回應說:「其實好多嘢都重未落實,係好多人要搵阿Sam年底搞演唱會,但都未傾,阿Sam今日先為新戲《滿天神佛頌香江》試古裝造型。」此外,陳達志(Ba叔)昨日與旗下藝人侯莎莎在九龍灣試《滿》片造型。
採訪、攝影:比華利、駱華齡、馮美茵

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載