蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年09月03日
馬上成為壹會員

對劉愷威鄧兆尊冇Feel
鍾嘉欣擇偶瞄準馬浚偉

華裔小姐冠軍鍾嘉欣露出一雙長腿,非常養眼。

華姐鍾嘉欣加入處境喜劇《皆大歡喜》短短數月,已不斷傳出緋聞,但她仍處之泰然,更直言對緋聞男友劉愷威和鄧兆尊毫無感覺。但當提到將在劇中飾演其男友的馬浚偉時,她卻大讚對方外形符合自己要求,莫非馬仔才是她的真命天子?

華裔小姐冠軍鍾嘉欣(Linda)加入《皆大歡喜》四個多月,演技不斷進步,能夠被觀眾認同,令Linda開心不已,她日前接受訪問時說:「行街時聽到有人叫我洪白嵐,都好開心㗎!我就覺得喺四個幾月裏面,演技真係進步咗,之前演得好硬,但𠵱家就放咗、大膽咗好多。」

指緋聞可笑
除了演技,最令人注意的莫過於Linda的緋聞,雖然入行短短半年,但她分別與《皆》劇演員劉愷威和鄧兆尊傳出緋聞,對此她大呼冤枉說:「兩次都好無辜呀,呢啲都係作嘅,但係我唔會開心又唔會唔開心,覺得有少少好笑。愷威同兆尊就好似我哥哥咁,我對佢哋完全冇嗰種感覺。」
而馬浚偉即將加入《皆》劇,他與Linda在劇中有一段感情線,加上馬仔的外形,正好就是Linda心目中的白馬王子,難怪Linda已做足心理準備跟他傳緋聞,她笑說:「就嚟㗎啦!」

喜細心男士
問Linda馬仔這類型男士是否她心目中的理想對象時,她說:「外形都OK㗎,但我都唔認識佢,都唔知佢個人係點。我鍾意嘅男仔係要好細心,我唔講已經知道我諗啲乜,重要家庭觀念重同錫我,因為我鍾意俾人照顧多過照顧人。」早前馬仔大讚Linda又乖又靚女,未知今次合作能否擦出愛火花呢?
採訪:羅慧敏 攝影:林德雄 服裝提供:LaneCrawford

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載