› 選擇地區
三藩市
紐約
洛杉磯
其他美國地區
香港 台灣 北美
 
2004年10月31日

入行一年賺百萬代價大
薛凱琪三度受辱

薛凱琪於半年前開始出現聲沙情況,但她揚言會小心保養聲線,而且會堅持唱現場,大不了就沙有沙唱。

薛凱琪(Fiona)年初的處女碟締造金唱片數字之餘,她也承認已賺獲百萬身家,不過換來的代價卻是被是非轟炸而搞到自閉暴食,而她在入行以來就因情況不許可而三次咪嘴,不過Fiona就強調以後堅持唱現場,她說:「要咪嘴即係侮辱我!」

相關新聞:事業篇:工作過勞火速聲沙

是非篇:負面新聞最易入腦
薛凱琪早前接拍無綫劇集《學警雄心》,她首次拍劇即與對手陳鍵鋒鬧不和,及後兩人突然變friend,極度戲劇性。
對於這段峯迴路轉的變化,Fiona說:「日日話我哋不和,咪又係次次影合照,初時都有啲尷尬,但時間可以證明一切。」

唔介意被嘲頸長
Fiona不時被人取笑長頸,但她說:「啲人話我似親嘅都唔係人嘅嘢,又話似ET又話似卡通,我拍緊劇嗰時,啲工作人員成日講笑,話呢個星球唔啱我,叫我gohome、phonehome(ET口頭禪)。我唔mind人話我頸長,頸長着好多衫都靚㗎,我mind嘅係啲負面新聞。」
早前屢有報道指Fiona怕辛苦、耍大牌、沒禮貌,她帶點不滿地說:「負面新聞係最易入腦,你做十單慈善嘢,唔及一單負面新聞咁易被人記得,公司同我講過,話任何人都必定要過負面新聞嘅階段,我希望自己係過咗啦,唔好再有咁多是非啦。」
想起那段被是非纏身的日子,Fiona透露當時自己也變得有點奇怪,她說:「拍完劇之後,我日日屈喺屋企,唔約人出街,唔同人講嘢,但不停狂食,公司於是畀我放假,我同爹哋去咗旅行,返嚟就冇嘢啦。可能嗰時係自己唔慣,又唔識宣洩,好彩我本身屬於開朗嘅人,唔係癲咗好耐咯!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載