蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年11月26日

陳潔靈爆《今晚夜》得個桔
黃霑、顧嘉煇酬勞冇下文

陳潔靈與黃霑合作多年,黃霑病逝,令她心情跌落谷底。

當年為《今晚夜》作曲填詞的顧嘉煇和黃霑,原來一毫子酬勞也收取不到,而主唱者陳潔靈更連整張唱片也未能收取分文。據知當年投資該唱片的阮兆輝因為經濟陷入困境而拖欠黃霑等人酬金,由於黃霑為人豁達,與阮兆輝素有交情,所以亦不予追究。

相關新聞:倪震憶霑叔:亦師亦友

為紀念一代詞人黃霑,電視台前晚紛紛推出霑叔的紀念特輯和霑叔當年有份主演的節目,好讓觀眾緬懷一番。昨日凌晨無綫重播九九年的《還看煇黃夜》中,霑叔曾提到八二年由陳潔靈主唱、顧嘉煇作曲以及由他填詞的經典金曲《今晚夜》,有人草船借箭,令他們三個人一毫子酬勞也收不到。

沒有打算追究
記者昨日致電身在美國的陳潔靈談及此事,她說:「咁耐以前發生嘅事,唔係你哋提起,我都唔記得啦。總之當時有位藝人投資唱片公司,幫我出咗《今晚夜》呢張唱片,雖然呢張唱片好受歡迎好賣得,但係我一毫子酬勞都冇收過。後來同霑叔佢哋傾開,先至知道佢哋原來都收唔到錢,連裏面幫我寫《風是冷》嘅林振強都收唔到。
「聽講有人因為財政上有困難先至畀唔到錢,咁嘅情況之下都冇辦法㗎,反正《今晚夜》呢首歌已經帶畀我好多好多,我哋亦都冇再追究,我哋冇因為收唔到錢而同嗰個藝人反面,大家重有偈傾。至於嗰位藝人係邊個,我唔想講,件事都過咗咁多年,重提嚟做乜吖?」

只出過兩張碟
據知當年為陳潔靈推出《今晚夜》的是喜韻唱片公司,而喜韻的老闆,正是粵劇名伶阮兆輝,當年阮兆輝先後為陳潔靈推出過《今晚夜》和王愛明的《明明是》兩張唱片後,唱片公司便關門大吉。記者昨日致電阮兆輝,他承認曾投資喜韻,阮兆輝說:「當年啲唱片舖係幾個月結一次數,當年我都收唔到錢,所以先至找唔到數畀佢哋,而最後亦因為咁,間唱片公司出咗兩張唱片就執咗笠。」
採訪:戴彩煥

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載