蘋果日報 | APPLE DAILY
› 選擇地區
三藩市
紐約
洛杉磯
其他美國地區
2004年11月29日

「問吓自己企唔企得穩先啦」
Beyond踩新四天王:蟹黃啩!

Beyond出道二十年來一直敢怒敢言,日前更直指新四大天王的虛名不切實際。

Beyond敢怒敢言的作風由出道至今二十年從未改變,對於李克勤、許志安、古巨基及梁漢文近日被譚詠麟封為「新四大天王」,Beyond三子日前接受本報訪問時,直指他們未夠班,黃貫中認為天王虛名如蟹黃。

本港搖滾班霸Beyond日前接受本報訪問,成員黃家強、黃貫中(Paul)和葉世榮提到明年一月舉行最後一次Beyond演唱會時,透露優先訂票已經爆滿,主辦單位東亞娛樂方面表示內部訂購也反應熱烈,Beyond相當開心,家強更笑說:「如果公開售票一日賣晒,咁要叫譚詠麟封我哋做『新四大飛王』,佢之前封咗人做新四大天王嘛。」

虛名徒增壓力
在旁的阿Paul即時追問家強:「乜嘢新四大天王呀?你講陳奕迅呀?」當他得悉新四大天王是李克勤、許志安、古巨基及梁漢文時,阿Paul愕然道:「真㗎?夠班未呀?呢個名幫唔到佢哋,簡直係害緊佢哋喎,蟹黃咋啩?聽講𠵱家啲蟹係食垃圾大,重狂打激素,谷到大大隻先攞去賣,食咗冇益,啲歌手咁樣封王,同大閘蟹有乜嘢分別呀?」
阿Paul又直言覺得新一代一線歌手只得李克勤及陳奕迅最有實力,他又慨歎香港樂壇能否過渡網上盜錄及翻版衝擊還未知,歌手應團結創作好的作品,不應只顧爭奪虛名。三子又同聲表示欣賞譚詠麟提攜後輩之心,但新四大天王人選還未夠資格,天王虛名只會加重歌手壓力。

花招爭獎唔化
提到年底的樂壇頒獎禮將陸續舉行,不少歌手為爭獎項各出花招,家強說:「啲人講到自己好似贏硬咁,真係好唔化,係咪有封號嘅人就永遠高高在上?冇嗰啲就永不超生?咁所有後輩唔使努力啦,冇人封你,你唔使做啦。樂壇應該公平競爭,有個名係咪代表實至名歸先?做咗乜王但連歌都唱得唔好都冇用,問下自己企唔企得穩先啦,以為好叻,同古代昏君有乜分別?我夠可以叫自己做霸王啦。我最服嘅只係劉德華,一直都打不死。」

取笑安仔儍豹
此外,李克勤前晚在灣仔會展環球十周年演唱會上,和司儀林曉峰(阿Lo)表演唱雙簧,克勤說:「環球似大家庭,動物園,刀郎係狼,校長(譚詠麟)都係狼。」
阿Lo其後又說:「咁Eason(陳奕迅)一定係豬,新嚟新豬肉。」克勤說:「佢係了哥,一了了過嚟就做阿哥,兼且又唱得。」阿Lo說:「咁另一個阿哥呢?係咪一山不能藏二虎嘅安哥(許志安)?」克勤即答:「安仔係儍豹,因為佢鍾意着粉紅色出席頒獎禮。」
採訪:蔡如玉、駱華齡 攝影:仇志德、林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載