› 選擇地區
三藩市
紐約
洛杉磯
其他美國地區
香港 台灣 北美
 
2004年12月27日

撐成年人召妓長見識
黎姿睇好張智霖性能力

左起:張智霖、黎姿及楊怡全副武裝宣傳《水滸無間道》。

張智霖與黎姿昨日為無綫新劇《水滸無間道》宣傳,有報道指張智霖在泰國跟曾志偉沖涼召妓,黎姿力撐他說「成年人去見識吓冇所謂」,又表示相信張智霖的性能力不會如報道所說那麼差。

無綫新劇《水滸無間道》一眾演員包括張智霖(ChiLam)、黎姿、楊怡等,昨日到奧海城商場宣傳新劇,在劇中飾演萬鳳蓮的黎姿,經常被飾演武松的張智霖取笑為潘金蓮,黎姿亦拿ChiLam的召妓報道來開玩笑。

收視過40露四點
對於ChiLam被指召妓,黎姿力撐對方說:「就算佢真係有去,成年人見識吓冇所謂,雜誌寫得誇張啲,想多啲人睇啫。」至於報道還描寫ChiLam的性能力差,黎姿笑望ChiLam說:「我相信張智霖唔會咁差。」
黎姿指若然新劇收視達四十點,她會向劇中所有員工派利是,她說:「希望下次派利是會係結婚。」ChiLam又多嘴提議黎姿可以露四點慶收視,他說:「收視過四十點,你就露四點,不過係眼耳口鼻。」
被指召妓的ChiLam大方承認在當地有揼骨,他說:「我會去泰國嘅spa,作為演員要有唔同嘅經驗,但作為藝人都係唔好去,以免作為人哋話柄。」他指事後身邊人只當笑話來看,亦不想回應自己被評性能力差,以免助長歪風。

袁詠儀大方冇責備
志偉在今次事件極力維護ChiLam,ChiLam強調志偉所說均屬事實,而女友袁詠儀亦沒有責備,也不會因今次事件而決定結婚。曾志偉考慮對今次事件採取法律行動,ChiLam則說:「呢啲三、五、七日貨仔唔使理佢,得啖笑。」
採訪:張俊銘 攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載