› 選擇地區
三藩市
紐約
洛杉磯
其他美國地區
香港 台灣 北美
 
2005年01月04日

赴印尼災區預咗派剩比堅尼
柏芝豪語:我除晒都唔緊要

栢芝捐出她簽名的MrBean公仔出來拍賣,將善款捐給災民。

張栢芝和張衞健昨日代表演藝界,分別前往印尼棉蘭和重災區班達亞齊探訪。栢芝對於杜汶澤將自己穿的波鞋捐給災民,她笑言甚麼都可以捐,栢芝豪氣地說:「我帶定比堅尼,要我除晒都唔緊要。」

繼杜汶澤和房祖名日前先後到南亞海嘯災區斯里蘭卡和布吉探訪後,張栢芝和張衞健昨日亦代表演藝界出發到重災區印尼探訪。栢芝在助手陪同下,於下午五時抵達機場,她表示會跟健仔一起飛往耶加達,在當地逗留一晚後再前往棉蘭,然後於明晚返港。

塗藥油抗屍臭
栢芝帶備了四箱水和大量零食,準備派給當地小朋友,問她可擔心重災區情況混亂時,栢芝說:「會小心㗎啦,自己性格係幾危險都去。噚日爹哋知我去都有鬧我,但我唔理得咁多,幫到人我就會全身投入。」對於杜汶澤將自己所穿波鞋留給災區小朋友穿着,栢芝笑說:「我帶定比堅尼,要我除晒都唔緊要。」
栢芝表示醫生指注射防預針後可能會發燒,故出發前沒有注射任何疫苗。栢芝又說:「自己唔擔心安全,反而怕自己會忍唔住喊啫。阿澤同我講,話戴幾多個口罩都冇用,啲屍臭味好濃,所以我到時會搽定白花油,同埋食定止嘔丸。」
栢芝希望將當地實況拍給港人收看,以便籌募多點善款。對於當地發生搶掠,栢芝表示早有心理準備,她又說:「我會慳啲用水,所以預咗呢幾日唔沖涼。」栢芝除了親赴災區探訪外,還捐錢及捐出簽名的MrBean公仔和PaulFrank手表作拍賣,然後將所得善款捐予災民。

遇搶掠不反抗
健仔則帶備了三箱水、乾糧、嬰兒用品和五十對拖鞋前往班達亞齊,他說:「我會喺耶加達住一晚之後再去,但因為坐救援軍機,所以只可以我同攝影師以及導演去,而且當地亦冇酒店住,要紮營瞓。因為時間太趕,我冇打預防針,惟有食定啲增強抵抗力嘅藥物,同埋到時勤啲洗手;如果遇上搶掠,我都唔會反抗,人身安全最緊要。」對於當地有女性遭輪姦,健仔歎說:「好心痛,好離譜,可能啲人喺絕望時失去理性。」
健仔又表示,原本他們的機票住宿費用是從善款中支付,但他不想花費善款分毫,所以自掏荷包訂機位和支付所有費用。
此外,陳冠希昨日接受商台訪問,他透露會將他昨日推出的新大碟的個人收入,全數捐給災民,陳冠希說:「因為我可以出到呢隻碟已經好開心,有更多人比我重需要呢啲錢。」
採訪、攝影:何永寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載