› 選擇地區
三藩市
紐約
洛杉磯
其他美國地區
香港 台灣 北美
 
2005年01月06日

奧斯卡熱門爭出位
里安納度、哥連菲路歐洲開戰

里安納度、卡塔同導演馬田史高西斯去到羅馬宣傳時一臉倦容。 美聯社

第七十七屆奧斯卡電影頒獎禮嘅提名名單就嚟公布,喺大戰前夕,各熱門候選電影都唔敢鬆懈,繼續保持曝光率,好似荷李活大導演馬田史高西斯(MartinScorsese)前日就同《TheAviator》嘅演員去意大利造勢,而奧利華史東(OliverStone)亦率領《亞歷山大帝》嘅兩位男主角去西班牙宣傳。

奧利華口不對心
馬田史高西斯前日同《TheAviator》嘅男主角里安納度狄卡比奧(LeonardoDiCaprio)以及女主角之一嘅卡塔布蘭切(CateBlanchett),去咗羅馬舉行記者會,謀殺咗唔少菲林,但里安納度、卡塔同馬田近日四圍飛,睇起上嚟有啲攰。
另一邊廂,奧利華史東前日同《亞歷山大帝》嘅主角哥連菲路(ColinFarrell)同埋韋基馬(ValKilmer)去咗西班牙嘅馬德里,同傳媒見面兼出席首映,其實《亞》片自上映以來口碑好壞參半,奧利華同哥連菲路早前接受訪問時都話套戲能唔能夠提名奧斯卡任何獎項都已經唔緊要,雖然佢哋咁講啫,但咪一樣勞師動眾去宣傳,增加聲勢。

韋基馬被人利用
另外,近日加拿大多倫多街頭巷尾都貼滿晒韋基馬嘅相同塗鴉,原來一隊叫TheValKilmerTaggingCaper嘅樂隊用韋基馬個樣嚟宣傳,據講韋基馬對隊band嘅做法好唔滿意,不過佢都冇晒計。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載