› 選擇地區
三藩市
紐約
洛杉磯
其他美國地區
香港 台灣 北美
 
2005年01月06日

謝賢跟賭王搵食榮升廳主

謝賢(右)出任廳主,與老闆何鴻燊和前妻狄波拉合照。

謝賢昨日在澳門一新開賭場貴賓廳打點,現場工作人員透露他是其中一間貴賓廳的「廳主」,謝賢雖笑着否認,稱自己只是賣身,但隨即漏口風指是賭王何鴻燊邀請他入場學做生意。到賀的狄波拉則透露女兒謝婷婷被記者追訪,嚇至不敢回港。

何鴻燊旗下澳博投資的金龍娛樂場昨日開幕,吸引大批巿民圍觀,娛樂場連酒店合計總投資達七億元,據娛樂場工作人員透露,謝賢是六間貴賓廳中的「富圖貴賓會」廳主,現場亦見成龍、清洪和張耀榮等恭賀謝賢的花牌。

做百家樂生招牌
謝賢一早到場打點,心情大好,但卻笑着否認榮升「廳主」,他說:「我係打工㗎咋,我隔籬嗰啲先係老細,陳澤武就係老細,千祈唔好叫我老細。」問他投資多少時,謝賢說:「投資自己嘅身體囉,我賣身㗎,我要掛個『百家樂埋便』喺身招客。」問他娛樂場總投資額是多少時,謝賢說:「近一億㗎,我就佔千萬分之一。何生(何鴻燊)係我多年老友,佢叫我嚟玩吓,學吓做生意。」再問進軍賭業,是否想做「賭場大亨」時,謝賢說:「邊有資格呀?」
對於澳博洽購楊受成旗下的英皇中國,問謝賢可會叫何鴻燊關照其子謝霆鋒時,謝賢說:「冇,佢(指霆鋒)咁大個人,佢嘅事業同我嘅事業係分開嘅。」他更謂不准女兒謝婷婷入娛樂圈。

婷婷抗拒做明星
狄波拉則透露婷婷已離港返加拿大讀書,她說:「佢俾啲狗仔隊嚇到唔敢返香港,新年都唔返嚟。其實佢唔鍾意做明星,唔係明星都已經冇晒自由,佢問我點解去老人院派禮物冇人講,影到其他相就亂寫。」狄波拉還說:「唉,做謝賢個女真係好辛苦,我都好心痛!」
採訪:JessicaNgan
攝影:ChanChiLam

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載