› 選擇地區
三藩市
紐約
洛杉磯
其他美國地區
香港 台灣 北美
 
2005年01月06日

從玩遊戲學習融入社群
徐子珊助迷途少女覓新生

《大家互相扶持,一定掂!》兩位女學童跟徐子珊玩遊戲,氣氛融洽。
設計對白

三位應屆香港小姐徐子珊、朱慧敏及符思思,昨日到懲教所探望一班曾經誤入歧途的女學童,並與她們大玩遊戲,徐子珊鼓勵她們要自學更生,以便他日可以重新投入社會。

二○○四年度香港小姐冠軍徐子珊、亞軍朱慧敏及季軍符思思,昨日專程到柴灣大潭峽懲教所出席「港姐關懷助更生」活動,探訪十幾名教導所的女學童。

分享新年願望
負責「自學更生」計劃的前港姐鍾子綸表示,在教導所的女學童並非犯上嚴重罪行,她們只是誤入歧途,鍾子綸說:「喺教導所嘅學童,半日上學,半日接受工作訓練,另外亦會安排課餘活動,佢哋同住喺寄宿學校一樣,唔係坐監,呢一個係自學更生嘅機會。」
三位港姐與一班女學童分開三組大玩遊戲,其後又進行分享會,互相分享新年願望,港姐冠軍徐子珊說:「其實我同一班女學童都見過面,上次見係生疏少少,今次再見已經好好多,我哋分享今年新年願望,好多學童都開朗咗唔少,我聽佢哋講有啲學童已經升級,可以好快離開懲教所,知道佢哋咁都好高興,有啲又就快考會考,同佢哋傾偈感覺好好。」

自言家教甚嚴
問到徐子珊是否有過反叛的時期,她說:「我屋企好嚴,唔畀我出街,其實點樣先至算係壞,我就覺得我班同學好乖,我相信係我乖,爹哋媽咪先至放心我去外國讀書。」
採訪、攝影:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載