› 選擇地區
三藩市
紐約
洛杉磯
其他美國地區
香港 台灣 北美
 
2005年02月19日

拍戲戴孝百無禁忌
黎姿為嘴邊豉油跡再喊過

黎姿嘴邊的豉油迹被攝影師發覺,結果要重拍。

黎姿、陳豪和曹敏莉昨日拍攝無綫新劇《胭脂水粉》,劇情講述她們三兄妹要為亡父戴孝。雖然新年流流,但三人都表示百無禁忌,黎姿盡現傷感情緒,未料拍完後她竟被發現嘴邊有豉油迹,需要重拍。

黎姿、陳豪和曹敏莉等,昨日在粉嶺一間古老大屋拍攝無綫新劇《胭脂水粉》,劇情講述他們三兄妹在劇中喪父,黎姿拿着亡父的遺物追憶。雖仍處新年期間,猶幸三人都表示百無禁忌。

疑吃水餃留迹
黎姿昨日拿着劇中頸巾思念亡父,她埋位前還嘻哈大笑,但甫埋位即收拾心情,演繹傷感情緒,非常專業。但拍完後,竟被攝影師發現黎姿的嘴邊有豉油迹,全場工作人員即忍俊不禁,黎姿解釋說:「因為埋位之前我食水餃,可能留低咗豉油迹唔知道。」雖然要再次補拍傷感場面,她還是很快便培養好情緒投入拍攝。
問黎姿可覺剛才的情況尷尬,她說:「我淨係覺得好好笑,自己都估唔到。」對於有報道指佘詩曼暗寸她,黎姿說:「我都唔覺得阿佘嘅說話有問題,由《金枝慾孽》開始就掀起是非,都冇影響大家嘅感情,佢哋唔咁寫又點印咁多版。」

收利是盼順利
陳豪、黎姿和曹敏莉昨日拍攝戴孝場面都收到利是,加上明白工作需要,所以百無禁忌,曹敏莉說:「我初四開工就要着孝服,都係拍戲啫。新年放假多數留喺屋企,所以𢭃咗好少利是,反而自己派出嘅開工利是重多。」陳豪有見昨日天氣轉寒,拍外景很辛苦,他特別「萬歲」請大家喝熱飲。
採訪、攝影:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載