› 選擇地區
三藩市
紐約
洛杉磯
其他美國地區
香港 台灣 北美
 
2005年03月08日

心有靈犀同場避相見
方力申、阿嬌後門走夾唔唞

方力申出席港台活動後,從後門急急走人。

方力申和Twins成員鍾欣桐(阿嬌)農曆新年被踢爆同遊瑞士,二人戀情曝光。這對小情侶昨日本有機會在港台碰頭,但未知是否怕影合照,故他們有默契地先後從後門離開。

方力申和鍾欣桐早前承認同遊瑞士,但二人昨日分別在港台出席不同活動時,卻互相迴避。阿嬌跟Twins隊友蔡卓妍(阿Sa)到港台接受周國豐訪問,而方力申、鄭希怡(Yumiko)、吳日言和盧巧音等則出席「香港唱片銷量大獎頒獎禮」記者會。Twins原先答允訪問後到記者會拍大合照,但卻臨時爽約。

樂意合照
方力申出席完記者會即從後門走人,而Twins亦急忙由後門離開,趕往商台做訪問,Twins解釋是時間太趕之故,阿嬌說:「唔係夾埋。」阿Sa力撐說:「早知我哋行前門,𠵱家方力申喺唔喺度?」阿嬌更表示不介意跟方力申合照。
對於劉德華和任達華在金紫荊頒獎禮上拿阿嬌的緋聞開玩笑,她說:「我淨係聽到佢哋讚我靚女,其他嘢聽唔入耳。」那方力申可有讚你靚女?阿嬌說:「冇喎,佢好似冇睇。」
周國豐表示本月二十二日舉行的「香港唱片銷量大獎頒獎禮」,屆時有向已故填詞人黃霑致敬儀式,溫拿樂隊更會演繹由顧嘉煇作曲、鄭國江、潘源良和林夕填的《霑叔》,周國豐又說:「呢首曲最近重填咗另一個版本,隻歌改咗名叫《我們的歌》。」

組情侶檔
此外,Yumiko最近拍了纖體廣告,大騷玉背,其男友吳浩康說:「我冇睇過,叫佢今晚攞畀我睇,佢背脊都好靚。」吳浩康坦言若Yumiko帶挈都不介意情侶檔上陣,他說:「但Yumiko就誘人,我就嚇人。」
採訪:胡比 攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載