› 選擇地區
三藩市
紐約
洛杉磯
其他美國地區
香港 台灣 北美
 
2005年05月20日

莽撞女捕快得個樣
周麗淇三腳貓功夫屢傷陳豪

陳豪(右二)在《秀才遇着兵》中常常要扮鬼扮馬查案,與周麗淇(左)、米雪(右)和黎耀祥(左二)合作緝捕犯人歸案。

陳豪跟周麗淇在無綫即將推出的古裝喜劇《秀才遇着兵》中合作,做官的陳豪在劇中更屢被飾演女捕快的周麗淇打至口腫面腫,周麗淇因為沒有功夫底子,所以在練習時不時亂揮「無情刀」,多次弄傷陳豪及不少武師。

陳豪、周麗淇、米雪和黎耀祥主演的古裝劇《秀才遇着兵》,將於下周一晚緊接《學警雄心》推出,雖然陳豪並非第一次拍古裝劇,但說到演喜劇,他卻仍是頭一趟,對演慣斯文靚仔的陳豪來說無疑是一大挑戰。

扮鬼扮馬度橋查案

陳豪日前說:「所謂秀才遇着兵,有理說不清,我喺劇裏面係做官,周麗淇就做我手下,佢啲功夫底子雖然好過我,但佢份人比較鹵莽率直,成日闖禍,而我雖然唔打得,但勝在有腦,成日度橋扮鬼扮馬查案。今次係我第一次拍古裝喜劇,我都唔知觀眾接唔接受我搞笑嘅一面。」

「幾乎所有人被整傷」

在《秀》劇中,陳豪經常被莽撞的周麗淇打到口腫面腫,原來現實中,陳豪亦經常被打傷,他說:「周麗淇飾演一個功夫了得嘅女捕快,成日用唔同嘅兵器同人對打,但本身佢冇武功底子,每次佢練兵器或者同人對打嘅時候,成日都會整親人,除咗我之外,幾乎所有同佢有對手戲嘅人都俾佢整親,尤其係武師次數最多,好在大家只係輕傷,而且每次佢整傷人,都會猛講對唔住,大家知道佢冇心,所以都唔會介意。」
而今次《秀》劇,也是陳豪首度與黎耀祥合作,在劇中飾演陳豪師爺的黎耀烊,陳豪亦讚不絕口說:「祥仔真係好正,演技冇得彈,我喺佢身上學到唔少嘢!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載