蘋果日報 | APPLE DAILY
› 選擇地區
三藩市
紐約
洛杉磯
其他美國地區
2005年08月05日

崇拜李小龍 拳打天下
TonyJaa跳象練功成國寶

TonyJaa已名成利就,但他的感情生活卻是一片空白。

自小崇拜李小龍,日日在家跳大象練功的泰國打星TonyJaa,他的新作《冬蔭功》即將在香港上映,早前泰國總理他信為其新作舉行盛大優先試映會,TonyJaa可說變成了泰國國寶。

電影《拳霸》令泰國打星TonyJaa(柏朗伊雲)在影壇闖出名堂,之後在泰國除了多次獲泰國皇室接見外,早前泰國總理他信更廣邀當地城中名人舉行了一場特別優先試映會先睹其新作《冬蔭功》,令TonyJaa跳升成國寶級人馬,令他大感榮幸。

練武家人當黐線

TonyJaa的新作《冬蔭功》於本月十一日在港上映,他早前來港宣傳時表示自小便崇拜香港的武打巨星李小龍、成龍、李連杰及洪金寶,他說:「我喺泰國北部長大,細個嘅時候屋企同戲院距離好遠,行路來回要個半鐘,睇完戲就返屋企自己苦練,我會喺屋企所養嘅兩隻大象身上跳嚟跳去,重經常受傷,屋企人就淨係覺得我黐線。我當時都唔知乜嘢係特技,亦唔知有吊威吔,如果當時知道,可能一早已經放棄唔練。」

覓伴侶長相廝守

泰國電影《Borntofight》是一套講述打泰拳的戲,當時只有十五歲的TonyJaa在看過該套電影後,便自薦到攝製隊中當雜工,他說:「嗰時發現咗原來攝製隊就係喺我所住嘅地方附近,為咗可以加入攝製隊,最初我係負責斟茶同拎反光板,後來嗰位武指,亦即係我師傅畀機會我做特技人。」
只得廿八歲的TonyJaa已名成利就,更在泰國北部建大宅給家人住,不過他的感情生活仍是一片空白,他說:「以前讀書試過暗戀女同學,不過我從來未拍過拖,我唔要求對方好靚,淨係想搵到個可以長相廝守嘅人。」
採訪:卓美娟 攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載