› 選擇地區
三藩市
紐約
洛杉磯
其他美國地區
香港 台灣 北美
 
2005年08月24日

陳嘉容:男友吸毒就拜拜

陳嘉容到電台接受訪問後力撐男友,指他生活健康和百分百信任對方。

名模陳嘉容的男友、星級髮型師郭子輝(Ricky)早前高調預告婚期,早前則有傳媒收到一段五分鐘影片,內容是一男子在廁格內吸食懷疑可卡因的白色粉末,而該男子不論服飾、外形都甚似郭子輝。郭子輝昨日在其中環髮型屋內強烈否認是相中人,他說:「根本唔係我,我從來冇做過呢啲嘢!啲裝扮、手鏈好普通,我行得正、企得正,自問生活健康,我連煙都戒埋。」

「瘦係因為忙」

郭子輝早前暴瘦,難免令人聯想有不良嗜好?郭子輝說:「我瘦係因為工作忙,成日出trip,又要開新公司。」問他可有受過同行或朋友引誘?他說:「我冇見過,亦唔知道。我亦冇受過引誘,我絕少接觸呢啲嘢。」
而陳嘉容昨日在港台節目力撐男友,更做出雙V手勢說:「即係百毒不侵。」她謂百分百信任男友,她說:「佢煙都唔食,點會吸毒?我絕對唔接受男友吸毒,有就一定拜拜。我哋一齊八年,佢take嘢我一定會知,所以絕對冇可能,佢唯一嘅不良嗜好就係飲可樂同食無定時。」
採訪、攝影:RitaLeung、CamelLok

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載