› 選擇地區
三藩市
紐約
洛杉磯
其他美國地區
香港 台灣 北美
 
2005年10月27日

袁彌明揚言不再上梁榮忠當

梁榮忠(右)早前為港姐決賽擔任司儀後,估不到最近與袁彌明(右二)傳出緋聞。
資料圖片

梁榮忠近年回巢無綫後鹹魚翻生,愛情事業兩得意。忠仔日前被指不惜一切狂𠝹女,還周旋在四女之間,連日分身與女友鍾麗淇晚膳、與港姐朱慧敏秘密交往、和朱凱婷前後腳返寓所、當柴可夫接送袁彌明,還因此被貫以「賤男」稱號。
袁彌明昨在電話中說:「嗰日我哋做完節目,收工咁啱都係去銅鑼灣,所以坐順風車,忠仔今日打電話畀我話唔好意思,不過形容佢『賤男』就慘啲,我都有send訊息叫佢保重。」問袁彌明會否避忌,她笑說:「唔會再坐佢車咯,原來佢車過咁多女仔,下次一定唔會上當。」

承認家中短敍

朱凱婷亦在電話中大方承認曾到忠仔家中短敍,與對方女友鍾麗淇更互相認識,朱凱婷說:「唯一一次去佢屋企就俾人影到,但同忠仔係傾吓偈,冇乜特別,近排佢咁hit,都係唔好約佢嘞。」
而梁榮忠昨日就透過助手表示暫時不回應有關報道,日內將會在公開場合才回應。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載