› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

指阿姐攞獎乃漁人得利
家英:應該畀可盈

羅家英(右)和李香琴前晚均有出席活動,羅家英還指台慶最佳女主角獎應由郭可盈奪得。

汪明荃(阿姐)在無綫台慶奪得最佳女主角獎,男友羅家英前晚出席亞視活動時竟指郭可盈及黎姿鷸蚌相爭,阿姐才漁人得利獲獎,反而獎項最應該給予可盈。羅家英還笑言頒獎禮只是一場政治遊戲,他說:「兩個後生爭嚟做乜?畀個老嘅冇人投訴,都係高層好嘢!」

張文慈(Pinky)、麥家琪、羅家英、曾江、陳秀雯和郭藹明等前晚在尖沙嘴出席亞視二○○六節目巡禮。Pinky和麥家琪等不約而同以性感裝束示人,拋胸贈興。

「唔係實至名歸」

對於汪明荃在無綫台慶奪得最佳女主角獎,身為男友的羅家英打算怎樣替她慶祝?怎料他說:「我一早話佢得,我重叫佢唔好攞咁多獎,麻鬼煩,又要恭喜,又要送禮。」
羅家英又指無綫的頒獎禮是政治遊戲,他說:「呢個係鷸蚌相爭,漁人得利,我睇呢啲係政治遊戲,佢(汪明荃)唔係實至名歸,人哋黎姿做得幾好,阿姐演《婚前昏後》都攞過,其實佢同黎姿都攞過,應該畀可盈,佢都好努力。兩個後生爭嚟做乜?畀個老嘅冇人投訴,都係高層好嘢!」問羅家英可怕此言會觸怒阿姐,他說:「佢成日知我亂講嘢,如果第二個講就會羣起攻之,我同阿姐係自己人。」

踩行油生BB

亞視明年籌拍台慶劇《義無反顧》,將起用外援郭藹明和曾江等演員,Pinky對此卻有微言,她說:「我出年二月就約滿,我做得亞視人,希望公司畀機會我哋,吓吓搵外援拍好製作,我哋就拍小製作,我出心為公司,亞視放我喺乜嘢位置先?」
而身為外援的郭藹明明年將拍亞視台慶劇,問到她與劉青雲已婚七年,何時才肯造人?郭藹明說:「我哋會加油,踩到行,我哋都有計劃要生BB。」
採訪:卓寶花
攝影:藍文浩、陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載