› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

獲李笑好啟發
吳文忻格劍博轉型

吳文忻舞劍時力度十足,左腳一踢成九十度角,果然厲害。

吳文忻日前跟隨武術教練伍允龍習劍,見嬌滴滴的她舞得頭頭是道,二人凌空飛躍格劍,儼如拍武打片。談到近日湯盈盈憑李笑好一角而人氣急升,吳文忻謂亦有意仿效,以洗花瓶形象。

吳文忻日前在北角半山跟隨吳建豪的武術教練伍允龍學劍,由於她有跳中國舞底子,故經指導下,瞬間已掌握要訣,見他們又跳又彈凌空格劍,劍來劍往儼如拍武打片一樣,雖然實際欠奉,卻非常睇得。
伍允龍對吳文忻學劍讚不絕口,他說:「文忻好有潛質,有跳舞底,唔使點教,執執甫士就得,但真係學就要用啲時間,佢可以㗎!以女仔嚟講,佢梗係OK,有啲力,學武術發勁係好緊要㗎。」

玩兇殘手球

吳文忻則笑說:「實唔實際冇所謂,又唔係打人,我第一次跟人學劍,幾好玩呀,同我以前學跳中國舞嘅功架差唔多,有底子就可以融會貫通。」
吳文忻又謂曾向朋友和導演提過自己身手靈活,但卻無人相信,她說:「次次都冇人信我嘅,啲人實講睇你個樣姐手姐腳,點打呀?其實我細個已經打手球,手球係種好兇殘嘅運動,我學跳舞,由小學一年班學到中學,我至鍾意郁手郁腳,紮紮跳冇時停,同外表好唔同。我重諗住跟Phillip(伍允龍)學詠春,防吓身又可以裝備自己,唔想一味做花瓶。」

「唔想有局限」

近日湯盈盈憑劇集《阿旺新傳》醜女李笑好一角而平地一聲雷,吳文忻因此想改形象,她說:「盈盈係個靚女,身材又好,之前佢畀人感覺都有啲性感,有監製肯用佢做醜女,結果成功咗,我都唔想有局限,希望學多啲唔同嘅嘢,等有機會時大派用場。」
採訪:朱倬誼 攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載