› 選擇地區
三藩市
紐約
洛杉磯
其他美國地區
香港 台灣 北美
 
2005年11月25日

at17練氣開騷 二汶打拳減20磅

林二汶(左)努力打拳,因而減了二十磅,辛苦付出果然有成果。

at17的盧凱彤(Ellen)和林二汶將於下周二在灣仔藝術中心舉行「變變變at17演唱會」,今次是她們入行後第一次的售票音樂會,演唱會更由原本的六場加至七場。為了有出色表現,at17積極玩kickboxing練氣,二汶更因而甩掉二十磅。

女子組合at17正地獄式排練首個售票演唱會,最近更經常玩kickboxing,減肥之餘又可練氣。原來二汶七月時已開始學kickboxing,經數個月努力,已減去近二十磅,令她開心不已。

歌手聞運動縮沙

二汶日前說:「我咁多年嚟都係肥妹豬一名,之前試過好多唔健康嘅減肥方法,以為唔食嘢就可以瘦,最終得塊面瘦,身形睇落去都係肥。」
Ellen則指最近出席公開場合時,被不少女歌手詢問減肥方法,她笑說:「好多女歌手都讚我哋瘦咗好多,重好有興趣咁問我哋點減,但佢哋聽到要做運動時,個個表現得冇乜興趣,我諗佢哋太忙冇時間啦。」
二汶謂雖然對零食不感興趣,但吃正餐時總能吃下整個飯盒,這亦是她減肥的致命傷,她說:「冇辦法啦,好多時做嘢要餓成幾個鐘先有時間食飯,餓到可以食得晒成個飯盒,而且我最鍾意食餐肉蛋飯。」對於原定六場的演唱會爆滿而加開一場,at17感到非常高興,Ellen表示要多謝歌迷和好友的支持,她更承諾到時必會盡心演出。
採訪:李珮洳 攝影:陳慧安
場地提供:亞洲營養學會
髮型:DerrickNg@Chin.G 服裝提供:Nike

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載