› 選擇地區
三藩市
紐約
洛杉磯
其他美國地區
香港 台灣 北美
 
2005年12月19日

「攞WTO嚟搞勞民傷財」
杜汶澤斥港府好大喜功

杜汶澤(左)昨日指政府舉辦世貿會議是好大喜功,令警察及市民成為受害者。

黎明、杜汶澤及葉璇昨到apm出席電影《情義我心知》宣傳活動,吸引了過千名市民圍觀。對於反世貿示威,阿澤批評港府舉行世貿會議是好大喜功的表現,勞民傷財,還表示政府「攞嚟做都多餘」,並十分同情香港警察。

相關新聞:勁歌論壇反暴力亂港Eason勸農民少食肉收火

黎明(Leon)、杜汶澤及葉璇於觀塘apm出席《情義我心知情義日》,圍觀的市民迫滿整個商場,場面熱鬧。
對於反世貿示威一事,杜汶澤覺得今次事件最慘的是香港警方,他說:「今次最慘就係警察,佢哋要維持香港秩序同安全,成件事上面佢哋就最無辜,佢哋都知道班示威者係想爭取自己嘅權益,所以佢哋係諒解嘅。」
阿澤又批評香港政府說:「我都唔知政府做乜要攞個WTO嚟搞,咁做咪表現到佢好大喜功嘅作風囉,根本都唔關香港人事,墨西哥都搞過啦,有乜嘢咁大不了啫,攞嚟做都多餘。」

讚市民義派飲品

阿澤更盛讚香港市民於事件中的表現,他說:「香港人今次表現好好,識得拎啲餅乾同飲品畀啲示威者,而且啲商戶做唔到生意又冇怪佢哋,香港政府呢啲就勞民傷財!」
葉璇覺得一眾示威者以暴力方法表達是不明智,因為會令自己受傷之餘又會影響到香港市民,她說:「我認為弱小國家應該係要自強不息,但係就唔應該去人哋嘅國家搗亂,另一方面我都明白佢哋好慘嘅。」

相關新聞:港姐避示威高鈞賢苦撐雞丁

支持警方保治安

Leon表示警方及示威者雙方都很無奈,警方要維護治安,而示威者則為飯碗而努力,他說:「我覺得香港警方唔似外國傳媒所指喺呢件事上唔夠硬淨,反而佢哋今次個處理方法好恰當,將傷亡數字減到最低。」本來Leon發表意見時滔滔不絕,但當記者一轉話題,問他是否剛與樂基兒度過生日時,他即說:「Sorry,nocomment.」
採訪:李珮洳 攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載