› 選擇地區
三藩市
紐約
洛杉磯
其他美國地區
香港 台灣 北美
 
2005年12月19日

勁歌論壇反暴力亂港
Eason勸農民少食肉收火

一班歌手前晚出席《勁歌》時,對韓農反世貿事件均議論紛紛。
(前左起)古巨基、李克勤、陳奕迅、陳小春

一班歌手前晚在電視城出席勁歌活動,發表對韓農反世貿示威的看法,陳奕迅(Eason)着他們少吃肉以免脾氣暴躁,克勤則指摘韓農擾亂香港秩序。

相關新聞:港姐避示威高鈞賢苦撐雞丁

陳奕迅、李克勤、陳小春、古巨基、楊千嬅及Twins等前晚在將軍澳電視城出席《2005勁歌金曲優秀選第三回》,節目本於九時半現場直播,但因播放韓農反世貿示威而作出節目調動,眾歌手在化妝間亦有收看最新示威情況。

盡量唔出街

對於韓農反世貿示威,Eason說:「如果夜晚返唔到屋企,咪去澳門或者九龍塘開房囉,其實有睇新聞都感受到啲氣氛㗎,香港要唔要戒嚴呀?我聽日盡量唔出街呀,示威真係幾危險。」
問Eason支不支持農民?他說:「佢哋嚟自邊度㗎?香港都有農民㗎?我唔清楚佢哋立場,唔方便講太多,暴力解決唔到問題㗎,叫佢哋食少啲肉,我自己都少食肉,脾氣冇咁大,清腸胃呀。」
克勤則說:「唔好搞咁多問題啦,香港係福地,唔好搞到我哋啦。」克勤之後又指摘農民,他說:「冇理由去人哋地方搞咁多嘢,雖然係話有人權,如果人哋去你國家搞到咁,得唔得呀?」
小春亦表示不滿韓農來港示威,他說:「唔好搞咁多嘢啦,香港經濟飛黃騰達,我明白韓農嘅心態,但唔好搞亂香港嘛,跳海都ok,暴力解決就嚴重咗,唔好咁激進,和平少少都得啫,佢哋應該去抗議佢哋韓國貿易部長,香港係個和平示威嘅地方,搞到長毛都唔敢抬副棺材出街呀。」
小春謂香港很多人都不了解何謂世貿,政府之前應教曉大家究竟世貿會議是甚麼,他說:「我知乜叫WTO,即係貿易公平最好。」小春又讚揚警方今次處理得很好。

相關新聞:黃耀明挺農民「希望幫到佢哋」

陳苑淇激動

此外,前晚共頒發十二首金曲(詳見附表),歌手又以聖誕主題作出打扮,互選V嘩型格大獎,最終由何韻詩奪得。而Eason當晚共奪三獎,成為大贏家。陳苑淇在拿着獎項拍照時,竟激動得哭了起來。
採訪:馬建華、王連連
攝影:陳偉權、何國豪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載