› 選擇地區
三藩市
紐約
洛杉磯
其他美國地區
香港 台灣 北美
 
2005年12月29日

馮仁昭四圍超:池珍熙谷新片鬼話連篇

池珍熙話以前係攝影師,睇佢拎住部相機嘅姿勢又真係似模似樣。

韓國男星池珍熙早排去咗台灣宣傳電影《如果.愛》,佢自爆話未入行前係做攝影師,有次嚟香港影嘢時撞鬼,佢話:「那一次我來到香港工作,晚上有五、六隻鬼跑進房間來,要我陪他們一起玩。我嚴詞拒絕陪他們玩,後來他們就從窗戶離開了!」
池珍熙話當時住喺酒店嘅二十幾樓,根本冇可能有人從窗爬入,所以佢先估係鬼作怪。呢班嘩鬼隔咗一日又去騷擾池珍熙,不過都俾佢趕走。
池珍熙話自己都算大膽,所以唔驚鬼,但同房嘅主管就嚇到標尿。池珍熙話:「其實每個人的心裏都住着天使和魔鬼,當你想做決定時,他們就開始拉鋸和對抗。」

相關新聞:Macy嫌唱歌單調

唔介意比較

池珍熙喺《如》片大講普通話,咁啱同鄉張東健喺電影《無極》都係講普通話對白,難免會俾人拎嚟比較,池珍熙話唔介意,佢認為只要做好份內事就得。對於Samsung相機最近有意搵張東健做代言人,池珍熙就話:「我也很奇怪,為何相機廠商都沒想到找我擔任代言人呢?」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載