› 選擇地區
三藩市
紐約
洛杉磯
其他美國地區
香港 台灣 北美
 
2005年12月29日

邊個唔到邊個遭殃
ILoveYouBoyz媽叉口玩殘城城

ILoveYouBoyz前晚演出舞台劇時不斷寸圈中藝人,但兩人都說不怕得罪人。Donald(左)、少爺占(左二)。

二人男子組合ILoveYouBoyz前晚演出搞笑舞台劇,玩盡多位娛樂圈藝人。他們除扮郭富城在《三岔口》的擘口場面外,說到娛圈性別難分的男女又暗示林一峰及何韻詩,兩人還明寸吳君如日前熱捧《如果.愛》而踩《無極》的言論。

二人男子組合ILoveYouBoyz前晚在理工大學演出《龍兄鳳弟》搞笑舞台劇,找來吳卓羲任表演嘉賓,容祖兒、何韻詩、方力申、林海峰及關智斌等都有捧場。
ILoveYouBoyz台上寸盡圈中人,成員少爺占扮郭富城在電影《三岔口》中擘大口的場面,然後說:「呢個係媽叉口嘅演繹。」另一成員Donald即說:「你扮郭富城?因住小美用媽叉口鬧你喎。」惹得全場大笑。

墮馬爆咪咪

後來他們又指娛樂圈的男女難分性別,少爺占說:「有人話嚴淑明係女人,又冇人話佢係男人,好似林一……」話未說完,Donald即扮開槍將少爺占射低,但少爺占又謂:「好似何韻……」然後又止住,矛頭直指向來被傳有同性密友的林一峰及何韻詩。
少爺占及後扮蔡慧敏胸前偉大,又扮林志玲墮馬,他說:「唉唷,我的咪咪爆咗呀。」
當他扮吳君如生仔時更大膽說:「《無極》好難睇,《如果.愛》好好睇。喂,Cable(有線電視)喺唔喺度,唔好拍住。」事後他表示純粹講笑,也沒有不讓有線拍攝。
問少爺占怕不怕得罪人,他說:「唔怕,我哋事前通知晒佢哋,我哋同小美好好朋友,城城嚟嘅話我哋咪唔玩佢囉,咁多人中只有林一峰未通知,不過佢好鍾意人哋講佢,佢會好開心㗎。我哋都諗住講Kenny(關智斌),但佢嚟咗,咪冇玩囉!」

客串唔夠皮

吳卓羲出場時扮黑幫大佬,唱了幾句泰文歌,又拿着摺櫈,但出場時間十分少,後來他更主動要求再出場客串,少爺占說:「我哋臨時度畀佢㗎,我哋都請Twins同草蜢做嘉賓,但佢哋唔得閒。」吳卓羲則說:「幾好玩,做耐啲重好,啲對白我臨時爆肚,唱泰文歌我都唔知唱乜。」
採訪:魯萍
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載