蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年03月13日

大鼻妹成長誌

B女

B女跌落床

「影呢張嘅時候,我瞓喺媽咪間房張床上面,唔知點樣碌咗落床,媽媽聽到噗一聲,嚇到即刻喺大廳度飛入嚟,但我係冇喊到,仲擺番床上瞓覺嘅姿勢,一模一樣黐咗喺地下,又冇聲喎,媽媽嚇到死,夜麻麻抱住我去醫院睇急症,但醫生check完,話我乜事都冇。」

歲半餓奶奶

「呢度係我伯父屋企,嗰日我好奀皮,要扮大人行路,媽媽抱咗我落車仔,相入面對手係佢嚟,佢拍緊手掌引我向前爬。啲BB要四個鐘頭飲一次奶,但以前媽媽要做嘢,有時佢好忙,試過有次過咗八個鐘都唔記得餵奶畀我飲,我又係冇聲喎,後尾媽媽突然醒起唔記得餵奶,幾驚我餓暈咗呀!」

3歲甫士王

「呢度係愉景灣嚟㗎,我阿姨住喺度,嗰日媽媽帶我去佢屋企玩,喺間屋出面影相。其實我記唔到當時點喇,先得嗰三歲,但媽媽話佢嗌『Fiona,影相啦』,我就擺咗個咁嘅甫士出嚟,舉起兩隻手唔知想點,好搞笑。媽媽仲話我影二十張相,二十張都可以唔同甫士㗎!」

4歲歌唱家

「影呢張相嗰陣我應該係讀緊幼稚園,媽咪帶我去街時影落嘅,但個口唔知想點,唔知係咪唱緊歌呢?我細個好鍾意唱歌㗎,屋企得我一個女,平時都冇小朋友陪我玩,次次一去親戚屋企,見到啲表哥表妹,就搏晒命係咁唱歌畀人聽。雖然咁細個咋,但嗰時我已經識唱好多歌。」

24歲扮娜姐

女大十八變,去年底薛凱琪在音樂會上身穿超短牛仔熱褲配魚網絲襪扮麥當娜,非常煞食,不過其大鼻子和嘟嘴表情似乎二十多年不變。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載