› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

高層讚蔡少芬最索
黎姿老翻湯盈盈失手

黎姿(圖)為新劇宣傳落足本,以萬多元的吊帶花裙上陣,卻不慎與湯盈盈撞衫,認真失威。

無綫新劇《火舞黃沙》前晚在尖沙嘴拍攝製作特輯,一眾小生花旦鬥搶鏡,蔡少芬低胸裙亮相被高層大讚,搶盡風頭,佘詩曼與陳豪則出動私伙名車,黎姿卻穿了與湯盈盈早前出席活動時一樣的花裙,認真失威。

黎姿、佘詩曼、蔡少芬、邵美琪、林保怡及陳豪等一班小生花旦盛裝到尖沙嘴拍攝無綫新劇《火舞黃沙》製作特輯,以蔡少芬低胸裙最性感,無綫安排眾星乘坐名車到場,不過佘詩曼及陳豪則分別駕駛私伙黑色開篷平治及黃色AstonMartin跑車到場,以顯身價。
前晚無綫高層樂易玲與曾勵珍都有監場,曾勵珍大讚道:「女嘅靚,男嘅俊,年長嘅就好精神。」後更多番點名稱讚蔡少芬着得很美,相當靚女。

「證明兩個都識揀」

不過黎姿前晚鬥靚失手,她穿了一條價值萬多元的RolandMovret吊帶花裙,早前湯盈盈出席活動時亦有穿過,黎姿說:「條裙我自己買㗎,咁咪好囉,證明兩個都係識揀嘅人,兩個靚女靚上加靚,我哋唔同style,我唔介意撞衫。」
邵美琪是唯一收起性感的女星,提到香港電影金像獎最佳女配角排名第二,她說:「梗頸二都唔緊要,有提名已經好開心,阿杜得好多大獎,佢哋慶祝我都去唔到要做嘢。」
由戚其義及周旭明炮製的《金枝欲孽》大收旺場,無綫對於原班人馬上陣的《火》劇期望甚高,該劇將於五月一日推出,除號稱花費過百萬拍攝製作特輯,於本月二十八日播映外,也於二十三日在中環舉行隆重首映。
蔡少芬表示本來會到歐洲及英國作福音宣導,為配合劇集宣傳,揚言一定會趕回港出席活動,至於前晚一身裝束,她說:「監製話要grand啲,咪準備啲衫等大家睇我高貴大方嘅一面。」

斥過百萬谷宣傳

此外,佘詩曼近日與郭羨妮分別捲入馬德鐘婚變事件,兩女皆被指是第三者,阿佘表示馬德鐘婚姻沒問題,她謂:「唔使睇都可以唔信,啱啱拍完《鳳凰四重奏》後有假期,馬德鐘都要去法國探太太同仔,為咗佢煞科宴都要提早。」有指馬德鐘可能去箍煲,阿佘說:「我係都問佢劇本啦,冇問佢生活上嘅嘢喎。」
採訪:卓寶花
攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載