› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

吳文忻憂嬉春照傷感情

吳文忻(中)表示與男友開開心心地往泰國旅行度假,豈料被偷拍,令她返港後十分無癮。

吳文忻、唐寧、名媛萬寶寶及施熙瑜等前晚在灣仔以嘉賓身份出席品牌Speedo06春夏泳裝示範活動,吳文忻最近被雜誌拍到她跟男友在泰國一酒店泳池嬉春的照片,重提此事,她即無奈地說:「唔好提喇,正正經經去拍拖旅行,搞到返嚟成個禮拜都唔開心,自己俾人寫就冇所謂,但身邊人唔想曝光。」

三點式怕走光

吳文忻續稱男朋友縱然沒有投訴不滿,但也不想因此事影響大家的感情,她說:「我以前拍過三、四次拖,今次就拍得最長,有成六年,唔係雜誌所講咁唔穩定,雖然之前曾有計劃結婚,但𠵱家就未有打算,因為結婚都係諗住生仔,不過都係遲啲先。」
至於問唐寧是否有勇氣像模特兒般着三點式行騷,她笑說:「我都行過一次泳衣show,不過嗰次係沙灘裝,唔係三點式,但三點式我就唔夠膽,因為怕走光,唔知點解做好預防措施,都會驚走光!」
採訪:楊潔雯 攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載