› 選擇地區
三藩市
紐約
洛杉磯
其他美國地區
香港 台灣 北美
 
2006年04月13日

陽盛陰衰 孻女倍矜貴
我未成年:湯盈盈自認門口狗

1歲 大眼小妹
「我細個花名叫大眼妹,我有個表哥對眼都好大,叫做大眼仔,嗰日我哋兩個一齊去影樓影相。以前爹哋媽咪成日帶我哋去影相㗎,我好贊成呢種做法,𠵱家睇番啲相都覺得好珍貴。」

「阿好」湯盈盈在加拿大土生土長,因為家族男多女少,陽盛陰衰,故小時候上至長輩,下至兩個哥哥和表哥們都十分愛錫她。恃寵生驕的湯盈盈還經常作威作福,向母親告狀篤兄長背脊,但一離開家門,湯盈盈就打回原形做「門口狗」,遇着高大洋妞即時變乖!

4歲 嬌縱Barbie「呢度係蒙特利爾(Montreal)嘅公園,媽咪成日帶我去玩,佢當我係Barbie公仔咁,所以我有好多靚衫着。我有好多表哥,但得一個表姐,加上我又係最細嘅女仔,所以俾佢哋縱慣晒。」 4歲 嬌縱Barbie
「呢度係蒙特利爾(Montreal)嘅公園,媽咪成日帶我去玩,佢當我係Barbie公仔咁,所以我有好多靚衫着。我有好多表哥,但得一個表姐,加上我又係最細嘅女仔,所以俾佢哋縱慣晒。」
10歲 初遇偶像「我最初鍾意嘅香港藝人就係哥哥(張國榮)同梅姐(梅艷芳),有年佢哋喺蒙特利爾一齊開concert,媽咪買咗飛入場,仲買埋飛同佢哋一齊食飯。我見到佢哋嗰陣好驚,睇我笑到幾緊張!」 10歲 初遇偶像
「我最初鍾意嘅香港藝人就係哥哥(張國榮)同梅姐(梅艷芳),有年佢哋喺蒙特利爾一齊開concert,媽咪買咗飛入場,仲買埋飛同佢哋一齊食飯。我見到佢哋嗰陣好驚,睇我笑到幾緊張!」
10歲 初遇偶像「我最初鍾意嘅香港藝人就係哥哥(張國榮)同梅姐(梅艷芳),有年佢哋喺蒙特利爾一齊開concert,媽咪買咗飛入場,仲買埋飛同佢哋一齊食飯。我見到佢哋嗰陣好驚,睇我笑到幾緊張!」 10歲 初遇偶像
「我最初鍾意嘅香港藝人就係哥哥(張國榮)同梅姐(梅艷芳),有年佢哋喺蒙特利爾一齊開concert,媽咪買咗飛入場,仲買埋飛同佢哋一齊食飯。我見到佢哋嗰陣好驚,睇我笑到幾緊張!」
13歲 籃球英雌「我以前參加學校籃球隊,嗰陣我好鍾意運動,尤其係打籃球,仲參加過好多比賽,攞咗好多獎㖭!相裏面我搭住佢膊頭嗰個女仔,其實係我其中一個最好嘅朋友,佢係混血兒,一半黑、一半白,佢成日嚟我屋企玩嘅。」 13歲 籃球英雌
「我以前參加學校籃球隊,嗰陣我好鍾意運動,尤其係打籃球,仲參加過好多比賽,攞咗好多獎㖭!相裏面我搭住佢膊頭嗰個女仔,其實係我其中一個最好嘅朋友,佢係混血兒,一半黑、一半白,佢成日嚟我屋企玩嘅。」
20歲 老翻卿卿「我係參加九五年華裔小姐入行,嗰陣我扮葉玉卿唱《擋不住的風情》呀!未選之前,好多移民去加拿大嘅香港人都話我似葉玉卿同邱淑貞,所以我就揀咗唱葉玉卿嘅歌。其實嗰陣我好驚,唱歌把聲仲好震㖭!」 20歲 老翻卿卿
「我係參加九五年華裔小姐入行,嗰陣我扮葉玉卿唱《擋不住的風情》呀!未選之前,好多移民去加拿大嘅香港人都話我似葉玉卿同邱淑貞,所以我就揀咗唱葉玉卿嘅歌。其實嗰陣我好驚,唱歌把聲仲好震㖭!」
30歲 一醜成名湯盈盈去年在劇集《阿旺新傳》中飾演醜女李笑好,與飾演林賓的李家聲(右)成一對。浮沉十年,盈盈終於一醜成名,更勇奪無綫台慶最佳女配角獎,風頭至今未減。 30歲 一醜成名
湯盈盈去年在劇集《阿旺新傳》中飾演醜女李笑好,與飾演林賓的李家聲(右)成一對。浮沉十年,盈盈終於一醜成名,更勇奪無綫台慶最佳女配角獎,風頭至今未減。

湯盈盈在加拿大土生土長,出身富裕之家,因家族旺丁,兩位胞兄又分別比她年長十一歲和九歲,更令樣子精靈可愛的湯盈盈大受家人、長輩和表哥們歡迎。小時候已被捧為小公主,幸福非常。

爭做人肉枕頭

湯盈盈笑言自己的童年「個個讚我乖」,由於家人太溺愛,難免恃寵生驕,她說:「我成日蝦大哥同二哥,一來因為自己最細,二來佢兩個都好錫我,但我所謂嘅『蝦』都係好小兒科,好似想睇嘅電視節目同阿哥唔同,就會同媽咪講:『大哥蝦我!』」
湯盈盈續說:「我兩個哥哥成日爭住錫我,搭長途車嗰陣,我會瞓喺佢哋身上,佢哋仲會爭我個頭放喺邊個度、對腳又放喺邊個度。後來大哥出去做嘢,二哥就每朝叫我起身,煮早餐畀我食,又煮lunch畀我帶返學校㖭!」

搵屋企人壯膽

小霸王在家中要風得風,不過一離開家門,霸氣就會消失,湯盈盈解釋說:「我係門口狗,淨係蝦屋企人,出到去撞到啲鬼妹仔,見佢哋大隻好多,我就會變得好乖。」
憑《阿旺新傳》中李笑好一角人氣急升,湯盈盈的扮嘢本色亦教人刮目相看,原來她小時候已經很有表演慾:「我細個好鍾意扮嘢,最鍾意萬聖節喺屋企扮鬼,又會扮Madonna、MichaelJackson,十歲之後開始大膽啲,會同其他細路仔玩,但都係要有屋企人喺度先敢放膽玩,都話咗門口狗㗎啦!」
採訪:朱倬誼
部份圖片提供:湯盈盈

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載