› 選擇地區
三藩市
紐約
洛杉磯
其他美國地區
香港 台灣 北美
 
2006年04月28日

陳慧琳談婚色變擺阿姐上檯

陳慧琳(左)與汪明荃兩個單身女人,一聽結婚兩字便你推我讓。

現年33歲的陳慧琳以往被追問婚事,都會擺出愛理不理的樣子,近日盛傳她與男友Alex在美加完婚,前晚被追問此事時她顯得極不耐煩,被阿姐汪明荃追問也反應甚大,甚至擺阿姐上枱說:「係都阿姐先啦!」連阿姐都不敢再講有關她結婚的問題。

陳慧琳(Kelly)、汪明荃、莫文蔚和鄭希怡(Yumiko)等前晚到將軍澳電視廣播城錄影《勁歌金曲》。
最近傳出Kelly已秘密跟男友Alex註冊結婚,前晚她接受訪問時,再被追問此事,即一臉煩厭的說:「唔係呀,咪講過囉。真係有少少煩,我怕人哋以為我攞呢啲造新聞,你知我唔攞呢啲嚟玩,唔好亂傳啦!」Kelly強調若結婚定必公開,還會打扮得漂漂亮亮,任影唔嬲,但稱與男友都不急着結婚。剛巧阿姐來到,甫見Kelly即說:「你結咗婚?」Kelly笑着反擊:「係都阿姐先啦!」

「兩個都唔恨嫁」

阿姐聽罷只以笑回敬,Kelly惟有打完場說:「係都宣傳完《自由女神》先啦,我哋兩個都唔恨嫁。」問阿姐認為Kelly現時結婚好不好,她即迴避說:「呢啲個人選擇。」Kelly望着阿姐搖頭,阿姐補充道:「唔贊成喎!」問到她其男友的父母可有催婚?Kelly說:「聽首歌都知乜事,不過我唔敢攞畀佢哋聽。」
當Yumiko獻唱新歌《狼女》時,與男舞蹈員大跳辣身舞,惜似乎中氣不足,未能發揮水準,她說:「我之前拍咗新歌MV,係我性感極限,bratop加短褲,我今晚冇着嚟,費事挑戰電視尺度,好似同港姐比較咁。」
採訪:楊潔雯 攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載