› 選擇地區
三藩市
紐約
洛杉磯
其他美國地區
香港 台灣 北美
 
2006年04月28日

分享翻𠝹檔案
婉婉遇賤人 孫耀威尋慰藉

車婉婉和孫耀威因合唱《再見亦是戀人》而熟絡,更一起交流失戀經。

車婉婉和孫耀威兩個風馬牛不相及的人,因為音樂人伍樂城及林夕合作炮製的合唱唱片《PrefectMatch》而走在一起,合唱了《再見亦是戀人》1曲,他們亦各自分享了與舊戀人的故事。

車婉婉和孫耀威合唱的《再見亦是戀人》,講述很多人心目中都會對某1位舊愛依然有感覺,甚至2人重遇後會再度戀上。對於這種分手再戀上的情形,車婉婉及孫耀威都有遇上過,不過婉婉的經歷就比較痛苦,她說:「我嗰次都唔知點解會做咗人哋塊膠布,總之我個ex(前男友)同佢女友分咗手就搵番我啦,我當時對佢仲有feel啦,咁大家就喺番埋一齊,不過只係維持咗1日。」

「個男仔耍我」

婉婉直言雖然只相戀了1天便再次被飛,但仍感到十分傷心,她解釋:「我認為個男仔係耍我囉,如果佢同我講到明唔會有結果,我會抱住一個玩票嘅心態,經過呢件事之後我對呢個人零信心,佢喺我心目中0分,我甚至覺得佢有啲賤。」

難忘舊女友

而孫耀威就於分手後採取主動要求與前女友復合,他覺得分手後心靈空虛需要別人慰藉時就會想起前女友,他說:「每次分手嗰時實會諗起我之前個女朋友,我認為嗰一刻好需要1個好了解我嘅人慰藉我,我試過同番之前1個女朋友復合,但只係維持咗1星期就再次分手。」
相信一講起前度男友這個話題,很多人都會聯想起車婉婉的前男友陳小春,就連孫耀威亦打趣說《再》曲應該是婉婉與小春合唱,不過婉婉強調一直以來她與小春都是好朋友,只是外間將自己的揣測加諸於2人身上。
至於孫耀威對緋聞女友應采兒這段戀情亦顯得處處維護,他感慨地說:「我以往好多段感情都因為同女友長期異地分隔而分手,我對感情都睇得好灰。我𠵱家唔敢期望太多,不過我次次拍拖都係想結婚生仔,我最怕同對方只係處於捉摸階段時,但係又俾傳媒寫咗出嚟,假若我同女方冇得再發展落去嘅話,咁個女仔個file又會多咗個污點、搞到佢好似好濫咁,所以我希望唔好有太大壓力喺一段感情上,總之到我結婚我一定會話畀大家知。」
採訪:李珮洳 攝影:陳俊強
髮型:SunnyYu@HairCulture(孫耀威)BillyChoi@HairCulture(車婉婉)
場地提供:StageCafe

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載