› 選擇地區
三藩市
紐約
洛杉磯
其他美國地區
香港 台灣 北美
 
2006年06月03日

張文慈嘲自插
馮仁昭四圍超-葉璇反擊:黐線變態

葉璇噚日錄影《女人禁區》,口口聲聲話唔會咁白癡走去自插,擺明係還擊張文慈啦!

張文慈、麥家琪同李思蓓等一班劇集《情陷夜中環2》演員,前日趁住葉璇缺席《情2》宣傳,喺沙灘度過一個好融洽嘅晏晝,其間仲加插幾場「單打」賽,成班演員你一句我一句,精采絕倫,張文慈有意無意將葉璇刀仔拮大髀講成自插下體,麥家琪又扮內地人口音話:「唔係五吋長,係唔算長。」旁人一聽就知佢哋笑緊葉璇啦!

相關新聞:黃聖依唔認有拖拍

責巴士阿叔

以為班姐仔笑完就告一段落,點知呢個刀仔拮大髀嘅笑話仲有下集,噚日亞視安排《女人禁區》探班,嘉賓梁思浩一見葉璇就話:「你做乜專登攞刀插自己?」葉璇聽到之後大發嬌嗔咁話:「黐線、變態、白癡,我儍嘅咩!我點會插自己啊!」然後手舞足蹈咁講述事發經過。
當大家以為葉璇俾張文慈同麥家琪寸完會嬲到震,點知葉璇居然無動於衷,仲話:「我相信佢哋唔會咁做,係一啲立心不良嘅小人挑釁。」不過呢頭話唔信,轉頭問葉璇會唔會嬲,佢話:「我不嬲好大方,唔會嬲佢哋,我冇量度、胸襟,都唔會喺度。」咁即係點啫,葉小姐?
另外,葉璇喺節目入面,聯絡到「巴士阿叔」短片主角之一,巴士口靚仔Elvis嘅媽咪何太,何太形容巴士阿叔(陳乙東)行為反常,葉璇問何太被粗口問候,會唔會原諒呢位阿叔?何太話:「(佢)一把年紀,應該反省。呢啲人污染市容,教壞後生,做壞榜樣,仲以為自己好啱。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載