蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

Kelly微服私訪首飾店探路

作為珠寶鑽飾店太子女嘅Kelly,逛百貨公司時對睇女士首飾零舍入神。

陳慧琳(Kelly)同飾物都算結下不解緣,佢爹哋陳崇偉喺中環開珠寶店,Kelly本身又係金至尊珠寶首飾店代言人,所以對女人飾物真係有認識,並唔係浪得虛名。
早幾日下晝五點幾,關仁撞見Kelly同女助手出現中環IFC商場連卡佛百貨公司睇首飾,當時佢着住紅背心襯白色窄身褲,打扮到鬼火咁靚,喺首飾部細意睇緊新款手鏈同頸鏈,現場見佢眼仔睩睩,一邊玩手指、一邊留意飾物設計,但奇就奇在佢都唔使將啲首飾放上手,好似一眼就能夠睇通睇透,相信呢啲就係所謂「行家一出手,便知有沒有」。

扮靚冧男友

有Kelly呢位樂壇天后出巡,嗰日當然吸引唔少市民眼望望,但佢就無視旁人注目禮,繼續施施然研究咗一輪之後,結果都係冇幫襯,轉而行咗去女裝部慢慢再揀過。
Kelly平日超級深閨,每逢佢出席活動,唔係被大會贊助名牌服裝,就係由形象設計師幫佢配衫,所以唔使出門都有靚衫着,閒時想見Kelly去街都幾難,但早排Kelly至去尖沙嘴連卡佛掃化妝品,今次又去中環分店入貨,唔知Kelly係想對首飾取經抑或女為悅己者容,要扮靚冧男友Alex呢?
Textby關仁

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載