› 選擇地區
三藩市
紐約
洛杉磯
其他美國地區
香港 台灣 北美
 
2006年06月25日

女鞋子:梁詠琪至貴軟Boot

梁詠琪
日期:6月19日
裝備:Hermes黑色短boot萬多港元

「呢對係我最貴嘅鞋,其實佢可以夾成一對長boot,不過夏天就梗係唔會着長boot啦,買呢對鞋嘅時候我都諗咗一陣,因為我未試過買咁貴嘅鞋,不過我都覺得值嘅,一來佢啲皮好靚同軟,着咗好舒服,同埋呢個款好襟興,可以着好耐都唔怕佢個款會out。」

鄭融閃亮布鞋

「呢對鞋唔同一般嘅布鞋,佢有啲閃令令嘅效果,我覺得幾特別,所以一次過買咗兩對用嚟襯衫。其實自己一向都鍾意買鞋多過買衫,淨係拖鞋都有成十幾對,我覺得鞋同衫好唔同,鞋可以着多幾次都唔係好覺,因為自己隻腳細,連童裝鞋都啱着,所以有時都好難買鞋,自己見到啱size就會買。」

鄧麗欣白色好襯

「我揀呢對鞋係因為覺得白色易襯衫,最重要係好舒服,因為我今日要同觀眾玩遊戲,要着得casual啲,所以揀呢對囉。其實因為我對腳比較大同埋闊,好難買到舒服嘅鞋,好似呢對就幾啱着,有啲尖啲嘅就着唔到喇。」

陳苑淇看門鐵鞋

「我覺得一對白色同一對黑色嘅Converse布鞋係必需嘅裝備,呢兩對鞋我都會放喺門口,一趕時間同諗唔到套衫襯咩嗰陣,我就會着呢兩對鞋,因為太容易襯啦,咩衫都襯到,同埋好舒服,好好着,我屋企𠵱家都有差唔多十對Converse,全部都唔同顏色嘅。」
採訪、攝影:胡比、駱華齡

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載