› 選擇地區
三藩市
紐約
洛杉磯
其他美國地區
香港 台灣 北美
 
2006年06月25日

「我唔係窮風流」

鄭嘉穎被周麗淇的fans視他們是一對,既好笑又無奈。 《翡翠戀曲》劇照

鄭嘉穎近來忙得透不過氣,既要趕劇,又要出席活動,但仍被雜誌指他跟周麗淇拍拖,在對方香閨樓下因遇見記者棄車而逃,搭的士避記者,還起題指他窮風流,問他是否跟周麗淇拍拖,他斬釘截鐵說:「唔係。」

相關新聞:13年默默賣身無人問鄭嘉穎因戇得福

Fans幻想太多

「我唔明點解大家對我同佢咁敏感,好奇怪我哋做情侶咁受落,我同佢合作過兩部劇《翡翠戀曲》同《天幕下的戀人》,成績幾好,所以外界都聯想我哋係一對,之前我做佢音樂會嘅嘉賓,連佢啲fans都好鍾意我,好想我哋會戲假情真。但現實還現實,fantasy還fantasy,我同周小姐sofar只係好拍檔,就算𠵱家碰上一個有好感嘅,都冇時間諗,有時間都係要瞓一覺先。」
不過對於被指窮風流,鄭嘉穎感到不悅,「我係窮,但窮唔可以風流咩,同埋乜嘢叫風流先?又唔係影到我一個攬幾個,就算影到我攬一個都唔可以叫風流啦,我都30幾歲人,又係單身,唔可以拍拖咩,只係未遇到啫。」
曾經問過鄭嘉穎,為何不揀圈中人作伴侶,他只說:「只係想搵一個合眼緣,相處得舒服,不過最好真係唔好係圈中人啦,因為……總之就唔想啦。」是否成了驚弓之鳥還是未知數,相信在鄭嘉穎的心底只有一句說話:「請勿在我的傷口上撒鹽。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載