蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年06月25日
馬上成為壹會員

應采兒:唔知點解咁紅

應采兒

183Club早前來港造成哄動,一眾香港藝人如梁漢文、鍾嘉欣和蒙嘉慧卻不知道183Club是「乜水」,其中跟明道合作過的應采兒更質疑183Club究竟憑甚麼走紅。

相關新聞:街坊:叫佢哋參選港男啦

應采兒

「你唔好問我喇,我真係唔知佢哋點解會咁紅,我絕對唔係佢哋fans,我身邊亦冇朋友係佢哋fans,可能真係套劇嘅效應都唔定,我以前喺台灣都同明道合作過拍劇,佢好好人。」

陳豪

「係咪今屆嘅香港先生呀?其實我對佢哋冇乜印象,不過外形幾好呀,青春已經係紅嘅本錢,如果唔係都唔會迷倒咁多少女啦。我呢排拍劇拍到冇時間睇電視,之後有時間都想睇番佢哋套劇。」

相關新聞:李永豪:被人認錯係明道

梁漢文

「我都有聽過183Club,不過就唔係好知佢哋個樣係點,冇乜印象,佢哋紅係咪因為佢哋個個都咁高呀?」

鍾嘉欣

「劇集《王子變青蛙》我只係睇過吓,印象比較深刻都係明道!最短頭髮嗰個男仔(指顏行書),我以前喺加拿大見過佢參加歌唱比賽,佢哋𠵱家咁紅,可能真係同套劇播出有關啩。」

蒙嘉慧

「我冇睇過套劇,所以印象唔係好深刻,可能佢哋套劇真係做得好好啩,不過我冇乜朋友係佢哋fans,你話佢哋好紅,我真係唔知亦都唔明,不過每個人都有權去選擇自己嘅偶像。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載