› 選擇地區
三藩市
紐約
洛杉磯
其他美國地區
香港 台灣 北美
 
2006年09月16日

鄭裕玲上網查護膚品成份

鄭裕玲表示不會用有太多含有藥性成份的護膚品。

袁彩雲和陳沛嘉昨日到西灣河出席博愛醫院舉行的活動,談到護膚品牌SK-II含禁用重金屬被回收,陳沛嘉說:「以前幫過SK-II做宣傳,佢哋有贊助過嘢畀我用,我用過都冇問題,但用得唔多囉。」
陳沛嘉謂任何牌子都可能有問題,只是未被驗出,她說:「咁大牌子出問題,佢哋一定會有人做嘢,我唔驚都唔擔心,咁啱驗到啫。」袁彩雲則說:「我冇用過,呢個牌子都冇贊助過我,日本嘢不嬲被肯定,品質好好,點解內地嘅就會有問題呢?」
至於昨日在中環為意大利品牌Pinko任司儀的鄭裕玲提到SK-II護膚品被回收一事時醒目地說:「我只係台慶時用過一次mask,都唔擔心,因為我唔會成日用有太多藥性的護膚品,我用之前仲會上網查下成份先㖭。」

用完生暗瘡

另外,昨日為電影《魔術男》在旺角一間Cafe拍攝外景的林苑就表示有用過該品牌的護膚品,她說:「我17歲時用過,不過可能唔啱我,搞到生暗瘡,之後就冇用。」
此外,袁彩雲前晚到尖沙嘴出席「Patchi朱古力主題派對」,袁彩雲表示會自製朱古力,她說:「女仔識煮甜品好sweet㗎,拍拖嘅時候喺屋企煮嘢食可以增進感情。」
採訪:駱華齡、何永寧
攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載