› 選擇地區
三藩市
紐約
洛杉磯
其他美國地區
香港 台灣 北美
 
2006年09月23日

QQ號碼被公開
馮仁昭四圍超:杰倫、華仔、超女唔敢Online

網上外洩嘅華仔QQ號碼嘅登記名字同年齡,都同佢真人不謀而合。
資料圖片

呢排一班中港台名人藝人真係有得震冇得瞓,皆因繼早前有網友公開咗一班明星嘅手機號碼、住址同考試成績後,最近網上又流傳佢哋嘅網上通訊QQ(類似MSN)號碼,受害人包括劉德華、周杰倫、超女李宇春、張含韻、周筆暢同中國欄王劉翔等等,佢哋嘅經理人都立即通知佢哋停用或更換號碼。

相關新聞:趙薇被爆狂電老師

周杰倫終身冧巴

有內地記者嘗試聯絡一啲QQ號碼,發現劉翔嘅QQ號碼係喺上海登記,QQ名係飛翔,暱稱翔翔;至於劉德華嘅登記地方係香港旺角,QQ名係AndyLau,登記年齡同佢真實年齡一樣,都係44歲。因為佢哋都冇online,所以唔知真定假,但記者嘗試將呢啲號碼加入好朋友之列,對方就顯示拒絕加為好友。
曝光嘅QQ號碼中,以周杰倫五位數字最特別,內地傳媒打去發出嘅公司求證,佢哋證明呢個終身冧巴係佢哋03年送畀周杰倫嘅,李宇春嘅經理人就話:「她有好幾個QQ號碼,有的用來打遊戲,有的用來交流。」一班網友們對於藝人嘅QQ號碼曝光紛紛表示有侵犯私隱之嫌,話要聲討搞呢啲惡作劇嘅人,仲有經理人話:「藝人都是人,最基本的權利應該得到保護。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載