› 選擇地區
三藩市
紐約
洛杉磯
其他美國地區
香港 台灣 北美
 
2006年10月11日

鄭中基左擁右抱度三圍
Theresa勁寸:叫阿Sa備案

鄭中基替傅穎(左)量度三圍時,女方顯得有點忸怩。

鄭中基、毛舜筠、傅穎(Theresa)和應采兒前晚出席電影《三分鐘先生》煞科宴,三女即場示範廚藝,鄭中基則為Theresa及應采兒量度三圍,Theresa更自爆在片中色誘鄭中基,叮囑他向蔡卓妍(阿Sa)備案。

由陳嘉上導演,鄭中基、應采兒及毛舜筠和傅穎主演的電影《三分鐘先生》,前晚在尖沙嘴舉行煞科宴,電影公司安排一眾女角現場作《美女廚房》式大比拼,限時三分鐘煮出佳餚,應采兒負責煎釀三寶,毛舜筠示範三色炒蛋,傅穎則表演炒三絲。最後由媽媽級的毛舜筠大熱勝出。

拒錫鄭中基

烹飪比賽後鄭中基為三位女角量度三圍,結果量出應采兒上圍35吋,腰圍24吋,下圍35吋;Theresa腰圍22.5吋,下圍35吋,至於上圍,她自稱只有19吋。毛舜筠則不肯讓鄭中基量度,只說自己三圍是36、22.5、36,即時引得全場大笑。
Theresa自言片中有場戲講她喝醉後要挑逗鄭中基,她笑說:「嗰時我真係有飲酒,我着住條吊帶睡裙瞓喺佢度,我動作大到連打底褲都見到。導演本來要我錫佢,不過我唔想,所以冇錫到,今次都算係從影以嚟最激嘅一次。」問她可擔心鄭中基女友阿Sa呷醋,Theresa直言:「唔驚。」再問她可有跟緋聞男友Neal備案,她即說:「唔使啦,叫阿Sa備案啦。」

腸胃頻出事

此外,有指鄭中基拍《三》片時經常失場,他解釋:「因為拍呢部戲時,同時拍緊《美女廚房》,所以成日腸胃炎,半夜肚痛。」
毛舜筠透露稍後會跟人氣急升的周中師傅替無綫主持美食節目,她說:「節目以教人煮餸同買餸為主,我都想請鄭中基到時嚟煮嘢食,因為佢成日彈人哋,都想睇吓佢煮嘢食有幾叻。」
採訪:魯萍
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載