› 選擇地區
三藩市
紐約
洛杉磯
其他美國地區
香港 台灣 北美
 
2006年10月30日

華語榜頒獎禮驚喜交集
新加坡直擊 Eason窺祖兒春光爆花贈興

容祖兒穿短裙亮相,本來已小心翼翼,萬料不到上樓梯時被台下的陳奕迅看到走光。

陳奕迅(Eason)前晚在新加坡室內體育館出席音樂頒獎禮,勇奪四項大獎,成績優異,他更揚言有幸目睹容祖兒走光,大呼「唔好彩」,被對方勸以碌柚葉洗眼。不過其後Eason領獎時卻幾乎被煙花弄傷,享完艷福即嚇餐飽。

陳奕迅前晚到新加坡出席「第六屆全球華語歌曲排行榜」頒獎禮,捧走最佳男歌手、最受歡迎男歌手五強、最佳專輯及一首金曲獎四項大獎,開心之餘又有艷遇,事緣穿短裙的容祖兒行樓梯上台領取最佳女歌手獎時不慎走光,被坐在台前的Eason看個正着。

「冇睇到啲乜」

祖兒在慶功宴上說:「我蹦蹦跳跳又冇打底,行樓梯走光呀,Eason同我講話佢睇到一秒呀,佢真係要攞碌柚葉洗眼。」Eason則說:「係睇到呀,好唔好彩。」問他是否真的覺得不幸?Eason想想後才笑說:「唔係,係佢唔好彩,不過佢個人咁活潑,唔會介意。」那Eason可要洗眼?他說:「唔使,佢蝕啫,其實都冇睇到啲乜,條裙揚一揚,如果佢喺香港就危險,一定有人影到。」
其後Eason上台領最佳男歌手獎,獻唱完畢即到台邊拿回放下的獎座,剛好旁邊的煙花筒爆出強勁煙花,他火速彈開,表情錯愕,幸沒有受傷,事後Eason說:「好危險,其實大會有通知我會有煙花,但我唔知喺邊,嗰刻真係俾佢嚇一嚇。」

向華仔學習

另外,劉德華奪最受歡迎男歌手、最受歡迎男歌手五強、香港地區傑出歌手、最佳專輯及一首金曲獎五項大獎成為大贏家,談到Eason威脅他的地位,華仔說:「我都同啲歌手傾開,話大家應該喺華人音樂上做多啲嘢。」在旁的Eason插嘴道:「我哋要向佢好好學習,年年都係佢攞亞太歌手都悶啦,我哋會爭氣。」華仔笑說:「咁我會乘住個浪而行,唔會死碰,我係順水嘅舟,Eason張國語碟做得好好,我喺台灣都有介紹畀人聽。」華仔透露正努力作曲填詞,欲自薦做08年奧運的主題曲。
採訪:王連連 攝影:陳偉權

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載