› 選擇地區
三藩市
紐約
洛杉磯
其他美國地區
香港 台灣 北美
 
2006年10月30日

讚賞造福體壇 自掏腰包獎運動員
汪明荃「我好敬重霍英東」

鄭少秋(右)和汪明荃對於霍英東去世感到可惜。

全國政協副主席霍英東前晚在北京病逝,終年83歲,曾擔任人大代表的汪明荃,讚霍英東除對國家有很大貢獻外,也會鼓勵國家金牌運動員,私下給每人20萬獎金,並指他的地位無人可以取代。曾與霍英東有一面之緣的鄭少秋則對他的去世感到惋惜。

汪明荃(阿姐)和鄭少秋昨日在九龍灣國際展貿中心,綵排「我們的世紀金曲演唱會」,對於霍英東逝世,阿姐認為他的地位無人可以取代,她說:「我真係好敬重霍先生,我唔記得同佢一齊做過一屆定兩屆人大,佢捐好多錢畀國家,賺到嘅錢又投資番落國家度,另外佢又對體育界做咗好多推廣。」

「每人好似有20萬」

阿姐指霍英東會私下給獎金鼓勵國家金牌運動員,她說:「你知國家唔係咁多錢畀運動員,但係霍生會自己拎錢出嚟獎勵佢哋,每人都好似有20萬㗎!」
阿姐表示於1988年曾與霍英東到廣東省視察,她說:「88年我哋一齊去廣東省視察,霍生全程都喺度,佢一邊解釋自己點投資同埋遇到乜嘢困難,又講畀我哋知點樣起白天鵝賓館,佢係好早喺內地投資嘅商人,佢喺內地嘅地位好高,同中央關係好好,佢嘅地位冇人可以代替。」
秋官也曾與霍英東有一面之緣。據資料顯示,秋官曾與劉青雲參演亞視劇集《世紀之戰》,在番禺南沙國際會議展覽中心,搭起聯交所場景拍攝,00年4月26日,積極開發南沙的霍英東在大班工作人員簇擁下到場巡視,碰巧秋官正與青雲拍攝,兩人還禮貌地上前打招呼,霍英東與二人握過手後,還來一張大合照,霍英東之後繼續視察行程。秋官說:「我同霍生應該見過面,佢個名成日都聽到,我知佢對國家好支持,佢做到全國政協副主席真係好犀利。」

許紹雄:友善冇架子

另外,許紹雄昨日獲悉霍英東病逝的消息,他透過電話說:「記得當年大家都係視藝會會長,我負責出力,佢就出錢又出力支持,我哋都搞過好多慈善活動。印象中嘅佢對人友善,冇架子,好肯幫人。」許紹雄表示最後一次跟霍英東碰面是幾年前的公開活動,問他可會致電霍英東的家人慰問?他說:「呢個時候都唔方便打擾佢屋企人,如果得閒,我都會出席佢嘅悼念活動。」
採訪、攝影:李珮洳

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載