蘋果日報 | APPLE DAILY
› 選擇地區
三藩市
紐約
洛杉磯
其他美國地區
2006年11月04日

康華演技大躍進

胡小姐

本報日前在將軍澳街頭訪問近60位市民,看看他們心目中最佳男/女配角心水之選,結果以狂晒粗獷肌肉、主演《火舞黃沙》的黃德斌獲大比數支持,女配角則以《男人之苦》的康華及《鳳凰四重奏》的商天娥叮噹馬頭。

相關新聞:「商天娥扮乜似乜」

胡小姐:「男配角我揀黃德斌,佢做得幾好,又keep得咁fit,女配角就揀商天娥,佢做得好入戲。」

鄺先生:「男配角揀《滙通天下》嘅劉丹,我比較鍾意睇老戲骨演戲,女配角揀康華,佢本身都風騷,今次演正派角色都好順眼,做得唔錯。」

Kam:「男配角會揀黃德斌,佢喺《火舞黃沙》入面好帶動到氣氛,加上成日騷肌肉已經好出位,女配角都係周家怡,《火舞黃沙》個角色唔易做㗎,最慘成日整住個兔唇。」

Vicky:「男配角會揀《高朋滿座》嘅李思捷,覺得佢一向都有實力,女配角就揀《男人之苦》嘅康華,初時以為佢戲裏面角色係壞女人,點知唔係,同之前都有幾大轉變。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載