› 選擇地區
三藩市
紐約
洛杉磯
其他美國地區
香港 台灣 北美
 
2006年11月16日

金培達HenryLau打造鬼馬請帖
克勤、盧淑儀齊聲報喜 Sweet

李克勤和盧淑儀月底結婚,他們還設計出一張非一般喜帖,給親友驚喜。
資料圖片

李克勤和女友盧淑儀將於本月28日在尖沙嘴洲際酒店舉行婚宴,他們的喜帖別出心裁,是個藏着卡式錄音帶和神秘密碼的boxset。克勤和盧淑儀在錄音帶內高呼:「我哋結婚啦!」十分甜蜜。

李克勤和拍拖13年的女友盧淑儀昨日廣發的喜帖,找來柏林影展銀熊獎得主金培達和著名設計師HenryLau幫手製作和設計。盒面用燙金印上新郎新娘的名字Emily及Hacken,還有以暗藏港姐標誌的后冠和錄音帶結合而成的圖案,后冠代表港姐出身的盧淑儀,錄音帶則象徵歌手克勤,冠頂綴以紅寶石,皇冠下面印有「AGrandWedding20061128」,收到喜帖的親友無不大讚克勤有心思。

憑密碼入場

翻開喜帖,內裏寫着新人父母的名字及婚宴日期,還請嘉賓細聽寫着「AStoryoftheCrown&Cassette」的卡式帶,克勤和盧淑儀親自錄音,一開始就說:「我哋結婚啦!」喜氣洋溢,二人又你一言我一語說:「聽到呢餅帶嘅人,一定係我哋嘅好朋友,而且一定係忍唔住乜都打爛沙盤問到底嘅人,因為今時今日要搵到部機嚟聽呢餅帶,真係唔容易,哈哈哈……11月28日晚……尖沙嘴洲際酒店,到時記得帶番呢張大請帖嚟,着靚啲,開開心心同我哋一齊玩番晚。」為防狗仔隊偷拍,克勤想出在帖底印號碼,屆時嘉賓要說出密碼才能入場,還須憑帖換輯錄克勤結婚照的禮品,非常大陣仗。

阿倫送尿壺

克勤昨在電話中說:「有朋友話張帖似月光寶盒,其實呢個係聚寶盆至真,到時啲親友帶埋嚟,可以攞番啲寶藏返屋企。」得悉喜帖被讚有心思,克勤開心地說:「係呀,同我張新碟一樣花時間落重本㗎,一世人一次,我哋希望留個最好回憶畀自己同錫我哋嘅朋友。」
近日有報道指克勤送樓給外父,又傳盧淑儀懷孕,克勤歎謂:「我好似住喺『狗仔圍城』咁,日日俾人圍,啲故事都唔係真,大家唔好圍我哋嘅屋企人啦。」
此外,譚詠麟(阿倫)昨日到Roadshow任嘉賓主持。阿倫謂未收到克勤的「月光寶盒」請帖,並笑言考慮送夜尿壺給他做賀禮。
撰文:丁寧

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載