› 選擇地區
三藩市
紐約
洛杉磯
其他美國地區
香港 台灣 北美
 
2006年11月16日

鄭中基炮製火辣婚紗唔敢睇

經常搞笑的鄭中基與兩位身材好又性感的女模合照,馬上變得收斂兼目不斜視。

鄭中基前晚出席新戲首映,獲兩位性感女模特兒陪伴左右,他目不斜視表現避忌,並表示女模身上看似內衣的服飾,其實是他在戲中設計的婚紗,性感又誇張。

導演陳嘉上前晚率領鄭中基(Ronald)、應采兒、毛舜筠及童星區家興等一班演員於銅鑼灣出席新戲《三分鐘先生》首映。現場安排兩位穿着性感內衣的女模任接待女郎,負責遞筆給嘉賓簽名及合照,作為主角的應采兒雖然也低胸示人,但明顯風頭被搶,Ronald與兩性感女模合照時目不斜視,又謂二人一身衣着是婚紗,他說:「我喺戲入面做生意嘅,又設計婚紗,佢哋呢個打扮係我設計嘅其中一套婚紗嚟㗎。」

初執導筒成賀歲片

Ronald前晚還獲戲中兒子區家興送贈超人公仔,他說:「我好鍾意超人,不過我只識鹹蛋超人,細個時仲以為超人係真有其人。」Ronald謂稍後將處男執導賀歲片《心想事成》,他說:「大檔期上,壓力好大,所以都搵咗好多人幫手,我連片酬都擺埋入製作費。」問到有否請女友蔡卓妍客串,Ronald說:「我冇,Paco(黃柏高)搵咗好多人客串,睇吓到時有冇囉。」
應采兒近日在內地拍新劇《鹿鼎記》,特地抽空回港出席首映,她表示要在橫店及杭州兩邊取景,只坐飛機已相當疲累,稍後還要到其家鄉青島拍攝,她說:「我唔會探親,只想飲青島啤酒。」
採訪:魯萍
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載