› 選擇地區
三藩市
紐約
洛杉磯
其他美國地區
香港 台灣 北美
 
2006年11月16日

大V冇底線
廖碧兒:榮幸着得起

廖碧兒密密性感出騷,豬籠入水,雖然交稅時肉赤,但就坦言有望買大屋。

廖碧兒近期密密出席名牌活動,前晚她便連趕兩場,先到中環出席Furla手袋專門店開幕禮,之後再出席富豪九龍酒店活動。出席手袋活動時,穿上性感低胸裙的廖碧兒惹來中年男高層偷望,可見電力十足。問她為何如斯性感,她說:「我一向性感冇底線,近年多咗同高級時裝合作,佢哋嘅衫唔係人人着到,着得起都係我嘅榮幸。」

就快買大屋

大會送上紅色鱷魚紋手袋給碧兒,她笑言要「裝起晒啲錢」。問她最近密密出騷收禮,豈非豬籠入水?她笑說:「都OK啦,交稅都好甘㗎,即係代表我工作勤力有回報,距離買大屋嘅日子愈來愈近喇。不過我嘅dreamhouse要有外國環境同感覺,唔係咁易搵。」
提到佘詩曼在頒獎禮連奪兩獎,廖碧兒說:「都幾surprise㗎,佢九年嚟咁努力,都替佢開心。」有否安慰胡杏兒?她說:「我冇返公司,所以見唔到佢,不過我覺得最好嘅禮物係觀眾嘅掌聲。」同場的AmandaStrang和LisaS.行騷後互攬,還表示二人樣子相似,自封「模界Twins」。
採訪:顏英儀
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載