› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

做多元化小生

阿旺深入民心,連帶安仔之後拍的劇集都離不開喜劇,但他謂努力擺脫被定型。 《阿旺新傳》劇照

在感情上,郭晉安泊岸了,演藝事業也穩如泰山,但有趣的是,別忘記觀眾眼中儍儍的阿旺,其實拍過很多劇情類的電視劇。近三年,他紅了,卻彷彿走上搞笑不歸路。安仔說:「以前啲人睇郭晉安好沉靜,令我好傷心,笑吓得唔得呀?𠵱家唔係,自從《戇夫成龍》後,觀眾發覺原來我會令佢哋笑,觀眾想睇好多嘢,有時要令佢笑,有時要喊,有時要幽默,但《東方之珠》呢套劇,我係十八般武藝擺晒出嚟,晒冷㗎,仲要唱歌跳舞,但要讚監製唐基明,佢係一個好勤力、做事好嚴謹嘅監製,拍出嚟嘅效果好有味道。」

相關新聞:染病成就婚姻

演同性戀者

安仔續說:「最近我仲拍咗套福音電影《恐懼森林》,同連凱做同性戀,話我有童年陰影,恐懼來自細個被侵犯,我聽到個題材即刻舉手去做。我又拍咗部內地電影《一個任務》,係講俠盜,有好多好紮實場面,同盧惠光打呀!最後打死佢,平時我覺得只有成龍至可以打死佢,我都打得死佢幾光榮呀!哈哈!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載