› 選擇地區
三藩市
紐約
洛杉磯
其他美國地區
香港 台灣 北美
 
2006年11月26日

愛大劉霸氣 投入不倫戀
嘉欣自認第三者傷害寶詠琴

嘉欣(圖)表示當年與劉鑾雄相愛,傷盡了寶詠琴的心。

李嘉欣早前接受無綫《志雲飯局》訪問,坦承與許晉亨相戀已七個月,又指當年與劉鑾雄相愛,曾傷害了他的前妻寶詠琴,後兩人分手,是因對方有其他女人。另外,她又承認曾與黎明有感覺。

李嘉欣一向極少公開談論戀情,但早前她接受無綫總經理陳志雲主持的《志雲飯局》訪問,暢談生命中最重要幾個男人,她表示跟現任男友許晉亨蜜運已七個月,現時屬於甜蜜的BB期,還是互相了解階段。嘉欣表示:「他(許晉亨)是一個Mr.Nice!各方面都好錫我,我覺得自己在一個好timing遇到佢,如果早啲識佢,我唔會覺得我哋可以開始及work到。」

難接受大劉花心

嘉欣又指男友很珍惜自己,因為彼此在感情路上有不同經歷,現在大家會成熟地面對感情事,心靈很相通。問她許晉亨還未與何超瓊離婚?嘉欣回應說:「我諗人哋嘅事,我唔方便講,但時間會證明一切。大家都有拍拖,為乜去到佢同我拍拖,呢件事先浮出嚟俾人再講。」
談到當年為何會喜歡華人置業老闆劉鑾雄,嘉欣表示:「我諗係佢嘅霸氣同埋細心,又錫我。但後來唔work,因為唔係一個人就對一個人,佢可能鍾意你或最鍾意你,但佢會有其他嘅女朋友,呢個我係接受唔到。」
對於有傳嘉欣和大劉相戀時,曾致電給當時其妻子寶詠琴,要求她割愛?她說:「冇呢件事,不過當時同佢拍拖過程中有冇傷害到其他人呢?一定有!可能當時我冇理解到,因當時我好相信呢段感情,到投入咗,佢都有其他女朋友,咁OK啦!大家想法唔同。」記者就嘉欣談及大劉的言論致電給他,但他在截稿前沒有回覆。
問到嘉欣與黎明關係,她表示:「我唔想講到我同佢冇拍過拖,不過我只能夠講同佢係有過感覺,但我覺得唔係一段拍拖關係。」嘉欣指自己在圈中的異性朋友近乎零,她的心底話只會跟媽咪、家姐、黎明和大劉傾訴。
嘉欣又表示初出道時曾經與倪震拍過拖,但後來因為她知名度增加,令倪震承受不了壓力,結果換來分手收場。至於陳平治,嘉欣表示曾拍拖五個月。

暗示龐維仁瞞騙

另外,陳志雲提到早前嘉欣與有婦之夫龐維仁的戀情鬧得滿城風雨,問她會否擔心給人視作狐狸精?嘉欣說:「我只會承認我傷過劉生當時的太太,但我只會負百分之五十嘅責任,因當時我太相信劉生說話,但的確傷害到佢太太。之後我覺得喺我嘅戀愛中,我冇做過第三者。」嘉欣又暗示龐維仁曾經給她看過一張紙,指他已離了婚,但後來才知是另一回事。
撰文:葉雪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載