› 選擇地區
三藩市
紐約
洛杉磯
其他美國地區
香港 台灣 北美
 
2007年01月22日

談整容「遲啲易名修飾輪廓」

面形較飽滿的吳文忻在削骨及注射botox後,已變得面尖、鼻挺及唇厚。
設計圖片

有關吳文忻整容,外界反應不一,總括坊間意見,總括有兩大疑問,分別是「又唔樣衰,使唔使呀」以及「為100萬整容,值唔值得?」

相關新聞:論娛圈「性感唔代表有交易」換面再上路 吳文忻劏娛圈黑幕恐怖過整容

整鼻兼做代言人

吳文忻聽畢反而輕鬆自若,她說:「之前我諗住畀錢整鼻,咁啱蕭定一搵我做代言人,畀埋費用咪做囉,但我唔係為見報率做呢件事。整容俾人感覺好負面,其實可能係若干年後,會變咗修飾輪廓之類嘅名堂,𠵱家有好多人打botox都唔認,我係代言人一定認,但唔好咁慘迫人認啦。」那對屢傳整容的周汶錡,吳文忻會否覺得對方容貌人工化?她笑說:「女人化妝都已經係人工化!」
整容後,吳文忻不停被評頭品足,但她說:「藝人做乜都有正負兩面,梗有人會講,唔理咁多啦,我𠵱家多咗女仔fans,因為我夠膽企出嚟講。」

安排乏善驚到喊

是的,聽吳文忻憶述削骨勾鼻、溶脂抽脂的過程,真的覺得她夠薑,她說:「最初我係抱輕鬆心情,後來係怯過,上手術床時,乜唔係全身麻醉咩?我一係掉頭走,一係頂硬上,醫生解釋韓國唔用全身麻醉,因為危險性高,但麻醉15分鐘會醒,之後嗰個半鐘真係好難頂,心理壓力好大。醫生係咁播韓國歌、同我傾偈,但我有喊,個心係咁鬧蕭定一,可能溝通錯誤,安排未係好完善,醫生又只係識少少英文,覺得自己似白老鼠。」
她又說:「好似抽脂,之前我有講過想條腰抽脂,但都冇真正開會傾過,結果醫生喺我條腰打溶脂針,溶脂係冇抽脂咁有效,但手就抽脂喎,醫生喺我手臂插咗兩支管抽脂,之後兩、三個禮拜都痛、冇力,點解我要用咁辛苦嘅方法抽冇乜脂肪嘅地方呢?所以喺韓國時有啲𤷪𤺧。」
採訪:朱倬誼
攝影:陳慧安
協力:陳順禎、羅慧敏
髮型:YYofbeautypro
化妝:王穎ofbeautypro
指甲:PrettyNail
形象:Ceci.S
首飾:ADifferentCorner
服裝提供:BCBG

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載