› 選擇地區
三藩市
紐約
洛杉磯
其他美國地區
香港 台灣 北美
 
2007年01月22日

謝安琪出嫁 姊妹流口水
馮仁昭四圍超:王菀之冷手執個熱花球

王菀之一手執起地上嘅花球,恨嫁恨到出晒面。

謝安琪同張繼聰前日喺赤鱲角機場富豪酒店註冊兼擺喜酒,夜晚七點左右,王菀之上台彈琴唱歌,然後一對新人註冊,雖然新郎新娘好緊張,但講誓詞時完全冇口窒窒,之後切完蛋糕之後,張繼聰仲好sweet咁餵懷孕五個月嘅老婆食一啖,寓意分甘同味。

相關新聞:劉亦菲熱舞賀攞獎

千嬅中基冇影

不過最精采場面當然係搶花球啦!話說小儀、薛凱琪(Fiona)同王菀之成班女仔走去搶花球,Fiona同小儀你推我讓之下,個花球已經向住王菀之方向拋出,由於成班人避開,搞到個花球跌咗喺地,王菀之即刻上前執起,恨嫁恨到出晒面!
到咗夜晚11點幾,謝安琪換上晚裝送客,一對新人成晚笑到四萬咁口。至於新人預留咗位嘅前緋聞情侶鄭中基同楊千嬅等等,全部唔見影,淨係見蔡卓妍(阿Sa)同周麗淇到場。另外,森美食完半隻龍蝦就趕返商台主持《森美移動》,前晚喺節目中暢談婚禮實況之餘,仲叫小儀現場直擊,搞到好似做騷咁熱鬧。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載