蘋果日報 | APPLE DAILY
› 選擇地區
三藩市
紐約
洛杉磯
其他美國地區
2007年02月06日

李丞責娶妻八到足
生仔順天命

換上西式禮服的李丞責與太太譚佩麗,在心形布置前拍照留念,寓意心心相印。

堪輿學家、香港電台高層李再唐胞弟李丞責,前日與女友譚佩麗拉埋天窗。問他會否擇吉生豬仔時,李丞責竟表示不贊成夾八字和擇吉日開刀分娩,如此說法,豈不是倒自己米?

李丞責前日迎娶拍拖13年的女友譚佩麗,並於洲際酒店擺喜酒,筵開50席,到賀賓客包括薛凱琪(Fiona)、胡諾言、黃柏高(Paco)、蘇志威、梅媽和梅啓明等。李丞責前日接新娘時,一切傳統儀式做到足,除安排新娘戴八卦鏡和行米袋外,又用豬肉祭白虎和檻火盆,事事講意頭;至晚上設宴,李丞責則大玩浪漫溫馨,除酒店樓梯上的心形拱門外,又以薄紗、玫瑰花、絲絨和蠟燭布置樓梯。

過年後度蜜月

記者問李丞責會否趁豬年生豬仔時,他說:「隨緣啦!我唔會畀另一半壓力。其實我唔贊成啲人夾八字開刀分娩,擇定吉日生BB,自然分娩好啲!」李丞責如此說,豈不是倒自己米。
記者問李丞責會否度蜜月時,他說:「過埋年先,新年好多人去外地,而且新年去外地貴好多,過咗年去可以慳番啲錢。」有傳陳道然(蘭子)和吳亭欣本來一齊做姊妹,但最後二人因為爭仔,李丞責遂踢吳亭欣出局,對此李丞責解釋說:「原本安排陳鍵鋒同吳亭欣一pair做兄弟姊妹,但陳鍵鋒拍戲放唔到人。」問蘭子是否跟吳亭欣不和時,李丞責未有正面回應,只說:「嗰日佢哋喺我屋企開會都有傾有講,可能因為我喺度嘅關係啦。」

薛凱琪傾心事

Fiona因為公司同事跟李丞責份屬好友而跟他相熟,她說:「自己唔開心或者遇到唔開心嘅新聞,都會同李丞責講,佢送咗粒水晶畀我平復情緒。我都信風水命理,但自己唔敢畀人睇風水,怕聽到啲唔好嘅嘢,如果只係講好嘢,即係冇用!」
採訪:卓美娟
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載