› 選擇地區
三藩市
紐約
洛杉磯
其他美國地區
香港 台灣 北美
 
2007年02月26日

馮仁昭四圍超:藍潔瑛浴袍遊新界返家鬧黐線 - 馮仁昭

藍潔瑛(左)前晚着住浴袍喺街上徘徊,真係令人擔憂。

唔見咗一排嘅藍潔瑛前晚又出現,但就着住件浴袍踢住對拖鞋喺上水廣場對開路邊徘徊同煲煙,有街坊怕出事就報警,佢去咗上水警署之後,俾一男一女由警署接走。
藍潔瑛搭新界的士去到大學火車站再轉市區的士,大班記者追住影相,夜晚閃燈特別光,佢竟然可以碌大對眼一下都唔眨,而且一啲表情都冇。
藍潔瑛去到太子道西舊居落車,大廈看更開門畀佢時,佢忽然轉身話要去食嘢,看更就好唔耐煩咁鬧佢:「咁麻煩㗎,快啲入嚟啦。」有記者衝上前問:「藍小姐,你幾時返香港㗎?」藍潔瑛望都冇望係咁鬧:「都黐線㗎,我不嬲都喺香港㗎啦。」邊行邊入𨋢上樓。

曾權威幫少咗

今次藍潔瑛出事,全程唔見之前照顧開佢嘅緋聞律師男友曾權威,噚日曾權威喺電話度話藍潔瑛有個朋友Winnie住喺深圳,早排藍潔瑛冇交租,於是去咗Winnie度住,問曾權威仲有冇資助藍潔瑛,佢就話:「比以前照顧得少啲囉,過年前我都分兩次,每次畀咗5,000蚊佢,佢話我唔係佢杯茶嘛,又唔肯同我影相,佢都有打電話嚟求我幫佢交租。」問佢仲追唔追藍潔瑛?曾權威話:「唔追啦,杯茶都凍晒啦,追到佢嘅話,到時你哋要入女病房探佢,再入埋男病房探我呀。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載